‘भारतवर्षमा जीसस’ लोकार्पण

आदर्श समाज संवाददाता
पौष २६, २०७७
Local News Photo

पोखरा । त्रिदिवसीय राष्ट्रिय एकता दिवसको पहिलो दिन शनिबार ‘भारतवर्षमा जीसस’ कृति लोकार्पण तथा साहित्यिक सभा भएको छ । कृतिको त्रिदिवसीय राष्ट्रिय एकता दिवस मूल समारोह समिति संयोजक शंकर खराल र लेखक सेवान तामाङले लोकार्पण गरे ।

कृति चर्चा गर्दै समीक्षक दीपक पराजुलीले कृति जीसस भारतमा बसे बसेनन् मात्र केन्द्रित नरहेर जीसससँग जोडिएका भ्रम चिर्न महत्वपूर्ण ग्रन्थ भएको बताए । पराजुलीले कृतिलाई पछिल्लो समय अनुवाद भएका कृतिमध्ये पढ्नैपर्ने पुस्तकका रुपमा टिप्पणी गरे ।

अनुवादक डा. नारायणप्रसाद अधिकारीले हिजो जीससले प्रवचन दिने क्रममा स्वास्थ्य र शिक्षामा जोड दिएको चर्चा गर्दै वर्तमानमा त्यही आधारभूत आवश्यकतालाई माध्यम बनाएर धर्म परिवर्तनको शृंखला बढ्नु चिन्ताको विषय भएको धारणा राखे ।

अर्का अनुवादक प्राडा यामबहादुर पौडेल क्षत्रीले अनुवाद सन्दर्भ बारे बोल्दै २ वर्ष लगाएर गरिएको अनुवादले आफूलाई पनि सन्तोष मिलेको बताए । २९९ औं राष्ट्रिय एकता दिवस मूल समारोह समितिका संयोजक शंकर खरालले एकता दिवसको महत्व र सार्थकता सबैले बुझ्न आवश्यक रहेको बताउँदै जीससका नाममा गरिएका भ्रम चिर्न पुस्तक महत्वपूर्ण उपलब्धि भएको धारणा राखे ।

गीताञ्जली साहित्य परिवारका अध्यक्ष शिवप्रसाद गौतमले त्रिदिवसीय २९९ औं पृथ्वीजयन्ती तथा एकता दिवस समारोहको दोस्रो दिन गीताञ्जली साहित्य परिवारको आयोजनामा जिल्लास्तरीय खुला कविता प्रतियोगिता आयोजना गरिएको जानकारी दिए ।

कार्यक्रममा डा जगन्नाथ रेग्मी, विश्वहिन्दू महासंघ कास्कीका अध्यक्ष पार्वता पौडेल, कवि निर्मला अर्याल, निर्मला सुनारलगायतले राष्ट्रिय एकता दिवसको सन्दर्भ र सार्थकताबारे रचना तथा धारणा राखेका थिए । त्रिदिवसीय कार्यक्रमको पहिलो दिनको कार्यक्रम जरोटुप्पो संरक्षण साहित्य समाज नेपाल र विश्व हिन्दू महासंघ कास्की शाखाको संयुक्त आयोजनामा सम्पन्न भएको हो ।

समारोहको दोस्रो दिन २६ गते खुला कविता प्रतियोगिता र २७ गते चिप्लेढुंगाबाट शोभायात्रासहित पृथ्वीचोकमा पुगेर मूख्य समारोह सम्पन्न गरिने मूल आयोजक समितिका महासचिव नारायण हरी तिवारीले जानकारी गराए ।

Related News

सम्बन्धित समाचार

  • सञ्जीवले ल्याए ‘जून ओर्लेको रात’

    आदर्श समाज सम्वाददाता चैत्र ११, २०८०
    पोखरा । कवि सञ्जीव पौडेलको कवितासंग्रह ‘जून ओर्लेको रात’ बजारमा आएको छ । शनिबार पोखरामा आयोजित दौंतरी कार्यक्रममा उक्त कृति…
  • ‘प्रिया !’ मुक्तक संग्रह लोकार्पण

    आदर्श समाज सम्वाददाता चैत्र ११, २०८०
    पोखरा । उपप्राध्यापक सुरज पौडेलद्वारा लिखित ‘प्रिया !’ मुक्तक संग्रह लोकार्पण गरिएको छ । सिर्जनशील लोकतान्त्रिक प्रतिष्ठान पोखरा आयोजनामा शनिबार…
  • फेवाताल किनारमा चित्ताकर्षक ओडिसी नृत्य

    आदर्श समाज सम्वाददाता चैत्र १०, २०८०
    पोखरा । नेपाल र भारतको समृद्ध सांस्कृतिक सम्पदा मनाउन पोखरामा शनिबार साँझ भारतीय शास्त्रीय ओडिसी नृत्य र नेपाली लोकनृत्य प्रस्तुत गर्दै…
  • कर्मचारी युनियन कास्कीको क्यालेन्डर

    आदर्श समाज सम्वाददाता चैत्र ९, २०८०
    पोखरा । नेपाल निजामती कर्मचारी युनियन कास्कीले विसं २०८१ को क्यालेन्डर निकालेको छ । शुक्रबार पोखरा आयोजित शुभकामना आदानप्रदान कार्यक्रममा…
  • जसुलाई रोटरी भोकेसनल एक्सिलेन्स अवार्ड

    आदर्श समाज सम्वाददाता चैत्र ५, २०८०
    पोखरा । पोखराकी जसु गुरुङ १ लाख राशिको रोटरी भोकेसनल एक्सिलेन्स अवार्डबाट सम्मानित भएकी छन् । महिलालाई सामाजिक सेवामा प्रोत्साहित…

hero news full width