ताङतिङ चिनाउने प्रेरणादायी पुस्तक

adarsha samaj आदर्श समाज संवाददाता
पौष २४, २०७७
tangting

पोखरा । कास्कीको पर्यटकीय गाउँ ताङतिङका शिक्षक एवं पर्यटन अभियन्ता ओमप्रकाश गुरुङको संस्मरणात्मक कृति ‘ताङतिङ मेरो गाउँ’ प्रकाशित भएको छ । पुस्तकमा ताङतिङको प्रकृति, संस्कृति, जीवनशैली, विकास र जनजीवनका विषयमा लेखिएका तीस वटा निबन्ध छन् ।

मादी गाउँपालिका–२ ताङतिङ को हिमालय मिलन माविमा प्रधानाध्यापकका रुपमा कार्यरत गुरुङको पुस्तकमा लाहुरे संस्कृति, ग्रामीण जीवनका सुखदुःख र गाउँ विकासका कथा सरल भाषामा लेखिएको छ ।

लाहुरे संस्कारमा हुर्केरबढेका गुरुङ गाउँमा बसेर शिक्षा दान गर्दै आएका छन् । पछिल्लो समय उनी ताङतिङलाई पर्यटनधाम बनाउने अभियानका नायक समेत बनेका छन् । त्यसैले आज ताङतिङ चम्किएको छ ।

एउटा गाउँको विकास कथा नयाँ पुस्ताका लागि महत्वपूर्ण हुन्छ । त्यसैले पुस्तकको भूमिकामा राजनीतिक विश्लेषक एवं लेखक झलक सुवेदी लेख्छन्, ‘यो पुस्तक मादी गाउँपालिकाका विद्यालयको सामाजिक शिक्षा विषयमा रिफ्रेन्स बुकका रुपमा अध्ययन गर्न लगाउनु एकदमै राम्रो हुन्छ । यो नयाँ पुस्ताका लागि प्रेरणादायी पुस्तक बन्नेमा म विश्वस्त छु । यसमा हाल गाउँपालिकाका अध्यक्ष रहेका प्रकाशका दौंतरी वेदबहादुर गुरुङले सहयोग गर्न सक्नुहोला भन्ने मेरो आशा छ ।’

पुस्तकका रुपमा आउनुअघि नै गुरुङका निबन्धहरू सेतोपाटी डटकम, नागरिकलगायतमा प्रकाशित भएर लोकप्रिय भइसकेका थिए । पुस्तकको सम्पादक पर्यटन पत्रकार अमृत भादगाउँले हुन् । पुस्तकमा भादगाउँले लेख्छन्, ‘आफ्नो श्रम, सीप र विवेकबाट स्वदेशमै सुन फलाउन सक्रिय उनको जीवनकथा प्रेरणादायी छ । पछिल्लो समय ताङतिङलाई ग्रामीण पर्यटनको नमुना गन्तव्य बनाउने अभियानमा समर्पित गुरुङले समाज परिवर्तनमा सकारात्मक भूमिका खेल्दै आएका छन् । हरेक गाउँमा उनीजस्ता एकएक जना मात्र सामाजिक अभियन्ता भइदिएमा समाजले छिट्टै फड्को मार्न सक्छ ।’

आउँदो माघमा पोखरामा छोटोरमिठो कार्यक्रम गरेर पुस्तक लोकापर्ण गर्ने तयारी भैरहेको गुरुङले बताए । ‘ताङतिङ मेरो गाउँ’ उनको पहिलो कृति हो, दोस्रो कृति ‘हर्कजङ गुरुङ’ पनि भर्खरै प्रकाशित भैसकेको छ ।

पुस्तक प्रकाशक नेत्रकुमारी गुरुङ हुन् । एक सय ६४ पेजको ‘ताङतिङ मेरो गाउँ’ पुस्तकको अन्तिम खण्डमा रंगीन तस्बिरहरू समेटिएको छ । पुस्तक मोल ३ सय रुपैयाँ राखिएको छ ।

Related News

सम्बन्धित समाचार

    • गण्डकी प्रज्ञा प्रतिष्ठानका पदाधिकारीले लिए सपथ

      Avatar आदर्श समाज सम्वाददाता वैशाख २१, २०७८
      पोखरा । गण्डकी प्रज्ञा प्रतिष्ठान कुलपतिसहित प्राज्ञ सभा सदस्यले सोमबार सपथ लिएका छन् । कुलपति सूर्य खड्का बिखर्चीले मुख्यमन्त्री एवं…
    • गण्डकी प्रज्ञा प्रतिष्ठानमा सूर्य खड्का बिखर्ची

      Avatar आदर्श समाज सम्वाददाता वैशाख १९, २०७८
      पोखरा । गण्डकी प्रज्ञा प्रतिष्ठान कुलपतिमा साहित्यकार सूर्य खड्का विखर्ची नियुक्त भएका छन् । गण्डकी प्रदेशका भाषा, साहित्य, लोकसाहित्य, संस्कृति,…
    • समता काव्य सन्ध्याको ३३५ औं शृंखला

      Avatar आदर्श समाज सम्वाददाता वैशाख ४, २०७८
      पोखरा। पोखरेली युवा सांस्कृतिक परिवार (पोयुसांप) ले सञ्चालन गर्दै आएको समता काव्य सन्ध्याको ३३५ औं शृंखला शनिबार भएको छ ।…
    • प्रवीण स्मृति कार्यक्रममा श्रष्टा सम्मान

      Avatar आदर्श समाज सम्वाददाता चैत्र २०, २०७७
      हेमजा । अन्नपूर्ण गाउँपालिकामा शुक्रबार स्रष्टा सम्मान गरिएको छ । लोक गायक प्रवीण गुरुङको स्मृतिमा लुम्लेमा जारी कार्यक्रममा बाटुलेचौर निवासी…
    • पर्यटन काव्ययात्राको ९ बुँदे घोषणापत्र

      Avatar आदर्श समाज सम्वाददाता चैत्र १५, २०७७
      लमजुङ । लमजुङमा आयोजित साहित्यका लागि पर्यटन काव्ययात्रा ९ बुँदे घोषणापत्र जारी गर्दै सकिएको छ । घोषणापत्रमा राष्ट्रकवि माधव घिमिरे, डा…

    hero news full width

    Fishtail

    sanil ads

    wordlink ads