पोखरा । गलकोट, कलाकार खेम गुरुङको लोकगीत ‘घर त गलकोट’ सार्वजनिक भएको छ । सानै उमेरदेखि लोक दोहोरी क्षेत्रमा रुचि राख्ने र विभिन्न प्रतियोगितामा समेत सहभागी बन्ने गरेका कलाकार गुरुङको पहिलो एल्बम युटुब मार्फत सार्वजनिक भएको छ । ‘लोकदोहोरी भनेपछि हुरुक्कै हुन्थें, विभिन्न समस्याको कारण गीत रेकर्ड गर्न सकेको थिइन, लामो संघर्षपछि मेरो सपना साकार भएको छ,’ गुरुङले भने । आफ्नै लय, शब्द र संगीतमा गीत तयार पारेको उनले बताए ।

केही समय विदेशमा रहँदा जन्मभूमिको मायामा डुबेर गीत तयार पारेको र अहिले सार्वजनिक गरेको उनले बताए । गीतको म्युजिक भिडियो पनि जन्म गाउँ गलकोट मै तयार गरेको उनले जानकारी दिए ।

गीतको म्युजिक भिडियोमा कलाकार खेम गुरुङ, शिवानी कार्की र विपीन मल्लको अभिनय छ । राजन केसी ‘मोहन’ ले निर्देशन गरेको भिडियोको सम्पादन कलाकार राजन केसीले गरेका छन् ।