पोखरा । प्रमुख प्रतिपक्षी दल नेपाली कांग्रेस र प्रतिपक्षी जनता समाजवादी पार्टीको प्रस्तावमा गण्डकी प्रदेश सभाको विशेष अधिवेशन मंगलबार सुरु हुँदैछ । कोरोना नियन्त्रण, सुस्त विकास निर्माण, बेरोजगारी र महंगी समस्यालाई देखाएर २ पार्टीले विशेष अधिवेशन मागेका हुन् ।
असोज अन्तिम साता यहाँको बर्खे अधिवेशन अन्त्य भएको हो । ६ महिनाभित्र अर्को अधिवेशन बोलाउनुपर्ने संवैधानिक व्यवस्था छ । तर त्यो समय ढिलो हुने भन्दै २ पार्टीले कात्तिक मसान्तमा विशेष अधिवेशनका लागि निवेदन बुझाएका हुन् ।
सरकार कहाँ चुक्यो ? त्यसको खोजी गरेका छौं । कुन–कुन ठाउँमा समस्या छ, पत्ता लगायौं ।
कुमार खड्का
सभापति
सार्वजनिक लेखा समिति
विशेष अधिवेशनमा पेस गर्ने प्रस्ताव प्रतिपक्षी दलले तयार गरिसकेका छन् । प्रारम्भिक प्रतिवेदन कांग्रेस संसदीय दलको बैठकबाट पास भएर २ पार्टीको संयुक्त बैठकमा पेस गरिएको थियो । संयुक्त बैठक समेत बसेर प्रतिवेदन पूरा गर्न ३ सदस्यीय समिति गठन गरिएको छ । कांग्रेसका कुमार खड्का, विष्णुप्रसाद लामिछाने र जनता समाजवादीकी धनमाया लामा पोखरेल सदस्य रहेको समितिले प्रतिवेदन टुंग्याउने छ । ‘सरकार कहाँ चुक्यो ? त्यसको खोजी गरेका छौं । कुन–कुन ठाउँमा समस्या छ, पत्ता लगायौं,’ सार्वजनिक लेखा समिति सभापति समेत रहेका सांसद कुमार खड्काले भने, ‘सरकारले अब के गर्नुपर्छ र सदनले के निर्देशन दिनुपर्छ भनेर उपायको खोजी गरेका छौं ।’
उक्त प्रतिवेदन कांग्रेस संसदीय दलका नेता कृष्णचन्द्र नेपाली पोखरेलले संसद बैठकमा पेस गर्ने छन् । त्यसपछि एजेन्डामाथि सांसदहरुले छलफल गर्ने छन् । खड्काका अनुसार प्रतिवेदन ४५ देखि ५० पेजको छ । विशेषगरी कोरोनालाई मिहीनरुपमा अध्ययन गरेर यो प्रतिवेदन बनाइएको कांग्रेसले जनाएको छ । ‘सरकारी बजेट खर्च र व्यवस्थापन केलाएको छ । अहिले कोरोनाको परीक्षण घटेर गयो । कांग्रेसले संकल्प प्रश्ताव ल्याएर संसद रोकेका बेला ह्वात्तै बढेको थियो । अहिले फेरि ह्वात्तै घटेको छ,’ दलका नेता कृष्णचन्द्र नेपाली पोखरेल भन्छन्, ‘उपचार गर्ने कुरामा सरकार कत्ति पनि संवेदनशील भएन । जनताको जिउधनको रक्षा सरकारले गर्न सकेन ।’ कोरोनाको परीक्षण २ सय ३९ प्रतिशतसम्म घटेको निष्कर्ष कांग्रेसले निकालेको छ ।
प्रतिपक्षी दलले निजी अस्पतालले उपचार गरेको बिल सरकारले तिर्नुपर्ने सुझाव दिएको छ । ‘यो प्रस्ताव त मुख्यमन्त्री ज्यूले नै ठिक हो भन्नु भएको थियो । तर कार्यान्वयन भएन,’ सांसद खड्का भन्छन्, ‘मान्छेले उपचार गराउन सक्ने अवस्था छैन । सरकार सिरियस हुनुप¥यो ।’ उनका अनुसार कोरोनाको खोपका विषयमा पनि सुझाव दिइएको छ । ‘खोप आउँछ । सित्तैमा आउने कति हो ? कसरी वितरण गर्ने ? नपुगेको कसरी ल्याउने ? भण्डारण कहाँ गर्ने ? सरकारको योजना के छ भनेर प्रश्न उठाएको छ,’ उनले भने ।
माघभित्र प्रक्रिया नथाले बजेट कार्यान्वयनबाट हात ठड्याउन प्रतिपक्षी दलले सरकारलाई चेतावनी दिएका छन् । ‘बजेटमा ४ महिनाभित्र रकम कार्यान्वयन प्रक्रिया सुरु गर्छु भनेका थिए । ६ महिना बितिसक्यो काम सुरु भएन । अब पनि नथाल्ने हो भने असारे बजेटमा पुग्छौं । खर्च हुँदैन,’ प्रतिपक्षी सांसदहरुले भने, ‘माघसम्म प्रक्रिया थाल्न नसके बजेट ‘सरेन्डर’ गर्न भनेका छौं । यही गर भनेर निर्देशन दिनुभन्दा सच्याऊ भनेर सुझाव दिएको हो ।’ सत्तारुढ सांसदहरु भने अहिलेको विशेष अधिवेशन खासै महत्वपूर्ण नभएको तर्क गर्छन् । विशेष अधिवेशनकै तयारीका लागि सोमबार कार्यव्यवस्था परामर्श समिति बैठक बोलाइएको छ ।
Related News
सम्बन्धित समाचार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
कतारी राजा नेपाल आउने दिन भोलि सार्वजनिक बिदा
गण्डकी सरकार विरुद्धको रिट सपना र सारंगाको बेन्चमा
hero news full width
मुख्य समाचार
मुग्लिन–पोखरा सडक विस्तार : म्याद सकियो, काम अधुरै
कास्कीका सहकारी पीडित एउटै मोर्चामा : बन्यो संयुक्त संघर्ष समिति
वैशाख १०, २०८१अधिकारी सरकारको भविष्य के होला ? सर्वाेच्चमा सुनुवाइ आज
वैशाख १०, २०८१कास्कीका सहकारी पीडित एउटै मोर्चामा, बन्यो संयुक्त संघर्ष समिति
वैशाख ९, २०८१मिटरमा जान नमान्ने ट्याक्सी फन्दामा
वैशाख ९, २०८१मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा
वैशाख ९, २०८१