पोखरा । गण्डकी प्रदेश नेपाल प्रहरी श्रीमती संघ पोखराले तनहुँको देवघाट गाउँपालिका–१ बसेनीटारमा न्यानो कपडा र खाद्यान्न वितरण गरेको छ ।
कोरोनाका कारण रोजगारी गुमाएका र जिविकोपार्जनमा समस्या भएका विपन्न परिवारलाई संघले शनिबार सहयोग गरेको हो । संघका अध्यक्ष सरस्वती अर्यालले स्थानीय ज्येष्ठ नागरिक खड्कबहादुर भुजेललाई कम्मल, चामल, दाल र चिउरा हस्तान्तरण गरेर कार्यक्रम उद्घाटन गरिन् ।
बसेनिटार गाउँमा संघले १ सय घर परिवारलाई सहयोग गरेको हो । देवघाट गाउँपालिकाको तथ्यांक अनुसार बसेनीटारमा ९५ प्रतिशत जनजाति र आर्थिक स्थिति कमजोर भएका नागरिकहरुको बसोबास छ ।
राहत वितरण पछि संघ अध्यक्ष अर्यालले संघद्वारा नागरिकका सबै समस्या समाधान गर्न नसकिए पनि यसबाट केही हदसम्म स्थानीयको जनजीवनमा सहजता प्रदान गर्न प्रयास गरेको बताइन् ।
शान्त र समुन्नत समाजको अभिलाषा राख्ने सबै सरोकारवाला संघ सस्थाहरुलाई उक्त गाउँमा सहयोगका कार्यक्रम ल्याई उनीहरुको जनजीवनमा केही मात्रमा भए पनि सहजता प्रदान गर्न उनले अनुरोध गरिन् ।
कार्यक्रममा देवघाट गाउँपालिकाका अध्यक्ष दुर्गाबहादुर थापाले नेपाल प्रहरी श्रीमती संघ पोखराको परोपकारी कार्यप्रति आभार प्रकट गरे । बढ्दो चिसोका कारण बालबालिका तथा बृद्धबृद्धा राहत वितरणबाट प्रत्यक्ष रुपमा लाभान्वित हुने विश्वास व्यक्त गर्दै उनले आगामी दिनमा समेत सम्भव भए यस्तै सहयोगको अपेक्षा समेत गरे ।
कार्यक्रममा जिल्ला प्रहरी कार्यालय तनहुँका प्रमुख प्रहरी उपरीक्षक अरुण पौडेल, स्थानीय जनप्रतिनिधि, गण्डकी प्रदेश नेपाल प्रहरी श्रीमती संघका पदाधिकारी, सामुदायिक प्रहरी सेवा केन्द्र देवघाट तनहुँका अध्यक्ष, पत्रकार लगायतको उपस्थिति थियो ।
Related News
सम्बन्धित समाचार
कामचलाउ मुख्यमन्त्री अधिकारी विश्वासको मत लिने तयारीमा
बजेटमाथि बहुवर्षे योजनाको चाप : दायित्व पौने १६ अर्ब
गण्डकीको वर्ष ८० : प्रदेश तहमाथि प्रश्न थपिएको वर्ष
खगराज अधिकारी : पहिला १२ बाट ७ मा झारे, अहिले उनैले सत्तामा टिक्न मन्त्रालय फुटाए
जिल्ला अध्यक्षमा हारेका अधिकारी मुख्य न्यायाधिवक्ता
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१