जनमोर्चापछि जसपा फकाउँदै मुख्यमन्त्री

प्रकाश ढकाल
पौष १८, २०७७
Gandaki Province Cabinet Building

पोखरा । २ तिहाई बहुमतको सरकार छ । त्यसमाथि राष्ट्रिय जनमोर्चाको समर्थन । ६० सांसदमध्ये सरकारको समर्थनमा अहिले ४३ जना छन् । कांग्रेस र जनता समाजवादी पार्टी प्रतिपक्षमा छ । प्रधानमन्त्री केपी शर्मा ओलीले संसद विघटनको निर्णयपछि भएका राजनीतिक परिघटनाले गण्डकी प्रदेशमा २ तिहाइको सरकार सामान्य बहुमत समेत नपु¥याउने अवस्थामा पुगेको छ । विभाजित नेकपामा २७ जना प्रधानमन्त्री ओली पक्षधरका सांसद यहाँ छन् भने १३ जना प्रचण्ड–नेपाल समूहका ।

जुनसुकै बेला प्रचण्ड–नेपाल समूहले साथ छोड्न सक्ने आँकलन गरेर मुख्यमन्त्री पृथ्वीसुब्बा गुरुङ साना दल रिझाउन लागि परेका छन् । जनमोर्चाले खुलेरै समर्थन गर्ने घोषणा गरिसकेको छ । जनमोर्चाको समर्थनपछि उनको पक्षमा ३० सांसद पुग्छन् । २ सदस्यीय जनता समाजवादी पार्टीलाई आफ्नो पक्षमा ल्याएर ढुक्कसँग सरकार चलाउने पक्षमा मुख्मन्त्री देखिन्छन् ।

पूर्व माओवादीको समर्थन रहुन्जेल चुपचाप बस्ने र समर्थन फिर्ता लिनेबित्तिकै सरकार जोगाउनका लागि जनता समाजवादीलाई ‘ब्याकअप’का रुपमा उनले देखेका छन् ।
‘हामीलाई सहयोग गर्नुस् भन्नुभएको छ । मैले सकिँदैन भनेर निस्केको छु,’ जसपाका सांसद हरिशरण आचार्यले भने, ‘संसदमा कांग्रेसभन्दा बढी प्रतिपक्षीको रुपमा प्रस्तुत भएका छौं । हामी नै सरकारमा जाँदा अलि सुहाउँदैन ।’ मुख्यमन्त्रीसँगको भेटमा विशेष अधिवेशनबारे छलफल भएको र सत्ता साझेदारीका लागि प्रस्ताव भए पनि आफ्नो पार्टीले स्वीकार नगर्ने आचार्यले बताए । सत्तारुढ सांसदहरु पटक÷पटक फोन गरेर जसपा फकाउन लागिरहेका छन् ।

जसपाकी अर्की सांसद धनमाया लामाले पनि आफूलाई धेरैतिरबाट सहयोग मागेको बताइन् । ‘फोन आइरहेको छ । सरकारलाई सहयोग गर्नुस् भन्नुभएको छ,’ उनले भनिन्, ‘हाम्रो पार्टी आन्दोलनमा जाने घोषणा गरेको छ । सरकारमा जान सकिँदैन ।’ प्रतिपक्षमा रहेका पार्टीहरुले पनि आफ्नो गठबन्धनलाई सघाउन आग्रह गरेको उनले सुनाइन् ।

सुरुमा कांग्रेस र माओवादीको गठजोडमा साना दललाई समेत समेटेर सरकार बनाउने धारणाहरु दुवै पार्टीले राखेका थिए । पूर्व माओवादी सांसदहरुले त मुख्यमन्त्री विरुद्ध अविश्वासको प्रश्ताव नै दर्ता गर्ने बताएका थिए । तर गणपूरक संख्या नपुग्दा अविश्वासको प्रस्ताव दर्ता गर्ने सम्भावना निकै कम छ । अहिले प्रतिपक्षी दलहरु मुख्यमन्त्रीले विश्वासको मत लिँदा असफल बनाउने जोडघटाउमा छन् ।

सरकार (ओली) पक्ष भने अरु पार्टीका सांसदसँगको भेटलाई सामान्य रुपमा लिनुपर्ने बताउँछन् । ‘मन्त्रीसँग भेट्नु, मुख्यमन्त्रीसँग भेट्नु सामान्य कुरा हो । अहिलेको सरकार तलमाथि हुँदैन,’ सरकारका प्रवक्ता रामशरण बस्नेतले भने, ‘भोलि समस्या नै आयो भने बहुमत यही नेकपाभित्रबाट पु¥याउँछौं ।’ विभाजनपछि फरक संसदीय दल बनाएको प्रचण्ड–नेपाल समूहमा पनि दुई धार देखिएको छ । एकथरि यही सरकारलाई सहयोग गरेर जानुपर्नेमा छन् भने अर्कोथरिले राजीनामा दिनुपर्नेमा जोड गरेका छन् ।

आन्तरिक मामिला मन्त्री हरिबहादुर चुमानले यही सरकारलाई निरन्तरता दिन आन्तरिक समझदारी भएको बताएका छन् । मुख्यमन्त्रीले राजीनामा नमागेसम्म उनीहरुले सरकार नछोड्ने पक्का छ । मुख्यमन्त्री पनि आफ्नै पद धरापमा पारेर मन्त्रीहरुको राजीनामा माग्ने वा वर्खास्त गर्ने पक्षमा छैनन् । सार्वजनिक कार्यक्रममै उनले दुवै मन्त्रीलाई बर्खास्त नगर्ने बताइसकेका छन् ।

गण्डकीको राजनीतिमा नेपाली कांग्रेस भने चुपचाप छ । सुरुमा पूर्व माओवादीसँगको सहकार्यमा सरकारको जोडघटाउमा लागे पनि पछि विज्ञप्ति निकालेर केन्द्रीय कार्यसमितिको निर्णय नआउँदासम्म तटस्थ बस्ने बताएको थियो । पार्टीबाट कुनै औपचारिक निर्णय नभएकोले ‘साइलेन्स’ बसेको विपक्षी दलका नेता कृष्णचन्द्र नेपाली पोखरेलले बताए । ‘हामी जोडघटाउमा छैनौं । केन्द्रीय समितिले निर्णय पठाएपछि एक्सनमा जान्छौं,’ उनले भने, ‘सरकारले गरेको अलोकतान्त्रिक कदमको विरोध गर्न सडकमै छौं ।’

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width