लेखनाथ । पोखरा ३०, गगनगौँडामा रहेको गणेश नेवाः खलः गगनगौँडाले योमरी पर्व बुधबार धुमधामसाथ मनाएको छ ।

कार्यक्रम उद्घाटन गर्दै प्रमुख अतिथि गण्डकी प्रदेशसभा अर्थ तथा विकास समिति सभापति दीपक कोइरालाले अनेकतामा एकता नेपालको पहिचान भएको बताए ।
गणेश नेवाः खलःले पनि यो पर्वलाई धुमधामका साथ मनाउँदै आफ्नो संस्कृति जोगाउनमा लागेकोमा खुसी व्यक्त गरे ।

संस्थाका अध्यक्ष दीपकराम ढेवाजुको अध्यक्षतामा भएको कार्यक्रममा निवर्तमान अध्यक्ष प्रेम लिगल, सल्लाहकार सनतकुमार श्रेष्ठ, पूर्व सचिव नरेशकुमार श्रेष्ठलगायतले आ–आफ्नो धारणा राखेका थिए ।

सो अवसरमा संस्थाको स्थापनाकालदेखि हालसम्म योगदान पु¥याएकोमा निवर्तमान अध्यक्ष प्रेम लिगल, तुलसीप्रसाद लिगल, नारायणकुमार श्रेष्ठ र मिसाःपुचका सम्पूर्ण सदस्यलाई सम्मान गरिएको थियो ।

संस्थाका पूर्व अध्यक्ष होमबहादुर श्रेष्ठले स्वागत मन्तव्य राखेको कार्यक्रमको सञ्चालन सचिव मंगलकाजी मानन्धरले गरेका थिए ।