पोखरा । पोखरा उद्योेग वाणिज्य संघको आसन्न महाधिवेशनका लागि विन्दु कोइराला सुवेदीले आफ्नो प्यानल घोषणा गरेकी छन् ।
संघमा विगत १४ वर्षदेखि विभिन्न पदमा रहेर काम गरेकी उनले बुधबार पोखरामा पत्रकार सम्मेलन गरी स्वतन्त्र समूहको नामबाट प्यानल घोषणा गरेकी हुन् ।
संघको विभिन्न जिम्मेवारीमा रहेर लामो समय काम गरेको भन्दै उनले संघ र उद्योगी व्यवसायीका सबै समस्याप्रति आफू जानकार र गम्भीर रहेको बताएकी छन् ।
उपाध्यक्षमा २ कार्यकाल काम गर्दा अग्रजलाई गर्नुपर्ने सम्मान र व्यवसायीको चाहनालाई नजिकबाट नियाल्ने अवसर पाएको भन्दै उनले संघ र उद्योगी व्यवसायीको समस्यालाई संवोधनसहित परिवर्तित अवस्थामा अग्रगामी कदम अघि बढाउन सकिन्छ भन्ने उद्देश्यले उम्मेदवारी घोषणा गरेको बताइन् ।
उनको प्यानलबाट वाणिज्य उपाध्यक्षमा वर्तमान कार्यसमिति सदस्य सोवित पौडेलले उम्मेदवारी घोषणा गरेका छन् ।
यस्तै, महासचिवमा पूर्व कोषाध्यक्षसमेत रहेका धनीराम बराल र कोषाध्यक्षमा वर्तमान कार्यसमिति सदस्य तारानाथ ढुंगाना र उपमहासचिवमा धर्मराज बर्तौलाले उम्मेदवारी दिएका छन् ।
संघको कार्यकारिणी सदस्यमा पवित्रा गुरुङ, विनोद केसी, रामप्रसाद गौतम र उत्तम कार्की सुवेदी प्यानलबाट उम्मेदवारी घोषणा गरेका छन् । वरिष्ठ उपाध्यक्षमा पनि कसैलाई उम्मेदवार बनाइएको छैन । नारायण कोइराला प्यानलका पवन प्रजापतिलाई सघाउने बताइएको छ ।
साथै कर्पोरेट, उद्योग र वस्तुगत सदस्यको उम्मेदवार हाल घोषणा गरिएको छैन ।
स्वतन्त्र समूहले विभिन्न प्रतिवद्धतासहित उम्मेदवारी घोषणा गरेको छ ।
जसमा मौद्रिक नीतिले ल्याएको व्यावसायिक उत्थान कोषको कार्यान्वयनमा जोड, महिला तथा युवा उद्यमी स्वरोजगार लक्षित कार्यक्रमलाई प्राथमिकता, संघको लक्ष्य अनुसार शिक्षा, स्वास्थ्य, कृषि र पर्यटनको आधुनिकीकरणमा पहल गर्नेलगायत छन् ।
यसअघि नारायण कोइराला नेतृत्वको समूहले चुनावका लागि उम्मेदवारको प्यानल नै घोषणा गरेको छ ।
संघको महाधिवेशन पुस २४ र २५ गते हुँदैछ ।
Related News
सम्बन्धित समाचार
गण्डकी मेडिकल कलेजमा वित्तीय साक्षरता
कास्कीका सहकारी पीडित एउटै मोर्चामा, बन्यो संयुक्त संघर्ष समिति
न्युरोडमा खुल्यो बेरी लाउन्ज एन्ड बार
गरिमा र टान गण्डकीबीच सम्झौता
न्युरोडमा खुल्यो बेरी लाउन्ज एन्ड बार
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१