पोखरा । कोभिड महामारीका कारण थलिएका उद्यम र व्यवसाय जोगाइराख्न गण्डकी प्रदेश सरकारले बजेटबाटै व्यवसाय जीवन रक्षा कोषको प्रबन्ध गर्यो । यसका लागि १ अर्ब रुपैयाँ छुट्याइएको छ । तर आर्थिक वर्षको आधाआधि वितिसक्दा समेत कार्यान्वयनमा आएको छैन । लकडाउन खुलेपछि व्यापार व्यवसाय चल्न थाले । तैपनि पूरानै अवस्थामा व्यापार व्यवसाय फर्केको छैन । चलाउन सक्ने अवस्था छैन ।
अब भने कोष कार्यान्वयनको बाटो खुलेको छ । त्यसका लागि मन्त्रीपरिषद्बाट कार्यविधि पास गरिएको छ । उद्यम, व्यवसायको प्रकृति हेरेर ५० हजारदेखि १५ लाखसम्म निब्र्याजी ऋण दिने गरी कार्यविधि बनाइएको छ । लघु, घरेलु तथा साना उद्यम र साना पर्यटन व्यवसायमा १ देखि १५ लाखसम्म ऋण दिन लागिएको छ भने साना यातायात व्यवसाय र साना सेवा व्यवसायमा ५० हजारदेखि १० लाखसम्म । व्यवसायीले यो कोषबाट कर्जा लिँदा ३ वर्षसम्म कुनै पनि शुल्क वा ब्याज तिर्नु पर्दैन ।
कर्जा दुरुपयोग गर्ने र तोकिएकै समयमा सावाँ ब्याज भुक्तान नगर्नेहरुले भने ब्याज अनुदान पाउँने छैनन् । कर्जाका लागि धितो समेत सहज बनाइएको सरकारका भौतिक पूर्वाधार मन्त्री एवं प्रवक्ता रामशरण बस्नेतले बताए ।
सामूहिक वा व्यक्तिगत जमानी, व्यवसायमा रहेको जिन्सी स्टक, उपकरण, सवारी साधन तथा यातायातका साधन, घर, जग्गा, सुन चाँदी वा सेयरलाई समेत धितोमा राख्न सकिने छ । सम्बन्धित बैंकले धितो मूल्यांकन गरेर कर्जा उपलब्ध गराउने छन् । कर्जा लिन गण्डकी प्रदेशभित्र व्यवसाय, उद्यम गरेको हुनुपर्छ भने बैंकिङ कसुर कारबाहीमा परेको हुनु हुँदैन । यस्तै, कालोसूचीमा नपरेको, स्थायी लेखा नम्बर लिएको, उद्यम वा व्यवसाय सञ्चालन गरेको कम्तीमा १ वर्ष पूरा भएको, सरकारी तहमा दर्ता भएको उद्योगी व्यवसायीलाई कर्जा दिइने छ ।
‘कोभिड १९ बाट प्रभावित व्यक्ति, समूह, फर्म वा कम्पनीलाई मात्रै एक पटकका लागि ऋण दिइने छ,’ प्रवक्ता बस्नेतले भने, ‘व्यवसायीले अधिकतम लाभ लिऊन् भनेरै सामान्य धितोमा कर्जा दिन लागिएको छ । यसले कोभिडपछिको आर्थिक संकटलाई टार्ने विश्वास छ ।’
कर्जा प्रवाहका लागि प्रमुख सचिवको संयोजकत्वमा ७ सदस्यीय निर्देशक समिति गठन हुने छ । कुखुरा पालन व्यवसायदेखि हस्तकला, ट्राभल एजेन्सी, दोहोरी साँझ, पार्टी प्यालेस, मसाज, होमस्टे समेतले कर्जाका लागि दाबी गर्न सक्ने छन् । रिक्सा देखि ट्याक्सी र बस र सञ्चारगृह सञ्चालकलाई पनि यो सुविधा छ ।
कार्यकर्ताले मात्रै लाभ पाउँछन् : काेइराला
गण्डकी प्रदेशका उद्योग वाणिज्य महासघंका अध्यक्ष सञ्जीवबहादुर कोइराला सरकारले ल्याएको कार्यविधिले प्रदेशको अर्थतन्त्रमा कुनै प्रभाव नपर्ने बताउँछन् । ‘लेकसाइडका होटल रेस्टुरेस्ट १० महिनादेखि बन्द छन् । महिनाको २ लाख घटी घरभाडा पाउँदैन,’ उनले भने, ‘१५ लाख कर्जा लिएर के काम ? ठूला होटल गर्नेहरुलाई त यसले छुँदै छुँदैन । साना व्यवसायीलाई ठिकै होला ।’ कार्यविधि बनाउँदा व्यवसायी सम्बद्ध संघ संस्थासँग कुनै छलफल नभएकोले कार्यान्वयनमा कोइरालाले शंका देखाए । ‘समग्र आर्थिक चलायमान हुने गरी कार्यविधि बनाउनुपथ्र्यो । कनिका छरेजसरी पैसा बाँडेर कुनै टेवा पुग्दैन । यसले अर्थतन्त्रमा कुनै प्रभाव पार्दैन,’ उनी भन्छन्, ‘कार्यकर्ताले मात्रै लाभ लिने अवस्था आउँछ । विकृति र विसंगति बढ्छ ।’
कर्मचारीलाई ५ थरि पुरस्कार
मन्त्रीपरिषद् बैठकबाट निजामती सेवा पुरस्कार कार्यविधि स्वीकृत भएको छ । सरकार गठन भएकै वर्षदेखि उत्कृष्ट कर्मचारीलाई सम्मान गर्दै आएको थियो । यो वर्ष कार्यविधि संशोधन गरेर ५ प्रकारका पुरस्कार दिन लागिएको हो । एकजना विशिष्ट कर्मचारीलाई १ लाख राशीको पुरस्कार दिइने छ भने अर्का एकजनालाई १ लाख राशिकै सर्वोत्कृष्ट कर्मचारी पुरस्कारले पुरस्कृत गरिनेछ । २ जना उत्कृष्ट कर्मचारीलाई ७५ हजारका दरले, १७ जनालाई ५० हजारका दरले निजामति सेवा पुरस्कार र १६ जनालाई २५ हजारका दरले प्रोत्साहन पुरस्कार दिने व्यवस्था छ । त्यसका लागि छनोट मापदण्ड पनि बनाइएको छ ।
सञ्चारग्रामलाई जग्गा माग
प्रदेशको सञ्चार ग्राम स्थापनाका लागि जग्गा माग गरिएको छ । प्रदेश सरकारको महत्वपूर्ण योजनाको रुपमा रहेको सञ्चारग्राम बनाउन रेडियो नेपालको नाममा रहेको पोखरा ५ मालेपाटन स्थित १५ रोपनी जग्गा माग गरिएको हो । विपद् जोखिम न्यूनीकरण सम्बन्धी रणनीतिक कार्ययोजना स्वीकृत गरिएको छ । यो वर्षको बाढी पहिरोमा गण्डकी प्रदेशले सबैभन्दा बढी क्षति ब्यहोरेको छ । आगामी दिनमा यसलाई व्यवस्थापन गर्न सहज हुने गरी कार्यविधि तयार गरिएको हो । उद्योग, पर्यटन, वन तथा वातावरण मन्त्रालयको साझेदारी फार्म दर्ता गर्ने विधेयक तर्जुमा गर्न सैद्धान्तिक स्वीकृति पनि दिइएको प्रवक्ता बस्नेतले जानकारी दिए ।
Related News
सम्बन्धित समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
hero news full width
मुख्य समाचार
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१