मनाङको तापक्रम माइनस १८ डिग्री, मुस्ताङमा माइनस १५

आदर्श समाज संवाददाता
पौष १४, २०७७
manang_snowfall

पाेखरा ।  हिमाली जिल्ला मनाङको न्यूनतम तापक्रम माइनस १८ डिग्री सेल्सियसमा झरेको छ।

मनाङको नार्फाभूमि गाउँपालिकाको तापक्रम रातको समयमा माइनस १८ डिग्री सेल्सियसमा झर्ने गरेको  प्रमुख जिल्ला अधिकारी ध्रुव गिरीले जानकारी दिए ।

सदरमुकाम चामेको तापक्रम भने रातको समयमा माइनस ८ डिग्रीसम्म झर्ने गरेको उनले बताइन् । उनका अनुसार अत्याधिक चिसोसँगै ताल र खोलहरुसमेत जम्न थालेका छन्।

गंगापूर्ण, ग्रिनलेकलगायतका दर्जन बढी ताल जमेर बरफ भएका छन् भने साना तिना खोलाहरु पनि जमेर बरफ भएको उनले जानकारी दिए ।  धाराको पानी पनि जमेका कारण कतिपय ठाउँमा बरफ तताएर पानी बनाएर खानु पर्ने अवस्था सृजना भएको छ ।

यस्तै मुस्ताङको लोमान्थाङ छोसेरको तापक्रम माइनस १५ डिग्रीमा झरेको छ। प्रमुख जिल्ला अधिकारी हीरादेवी पौडेलका अनुसार त्यहाँ धारामा पानी जमेको छ भने तालसमेत जम्न थालेको छ।

त्यस्तै जुम्लाको तापक्रम माइनस ८ डिग्रीमा झरेको जल तथा मौसम पूर्वानुमान महाशाखाले जनाएको छ । हिमाली जिल्लामा हिमपातपछि थप चिसो बढ्न सक्ने भएकाले सतर्क रहन महाशाखाले अपिल गरेको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width