पोखरा ।
प्रतिनिधि सभा विघटनलाई ओली सरकारको असंवैधानिक र अलोकतान्त्रिक कदम भनी टिप्पणी गरेको राष्ट्रिय जनमोर्चाले गण्डकी प्रदेशमा भने सरकारलाई समर्थन गर्ने भएको छ ।
ओली पक्षकै पृथ्वीसुब्बा गुरुङ नेतृत्वको गण्डकी सरकारलाई जनमोर्चाले सुरुदेखि नै समर्थन गर्दै आएको छ । उक्त समर्थन कायमै रहने दलका नेता कृष्ण थापाले बताए ।
सरकारलाई समर्थन गरेवापत पाउने ‘पुरस्कार’ का बारेमा भने टुंगो लागिसकेको छैन । प्रदेश सभामा ३ सदस्य रहेको जनमोर्चा अबको सरकारका लागि निर्णायक शक्ति हो । ‘जसरी सरकारलाई सहयोग गरेको छ, त्यो फिर्ता लिने निर्णय भएको छैन,’ उनले भने, ‘केपी सरकारले प्रदेशसभा विघटन ग¥यो भने विरोध गर्छौं । नत्र गण्डकी सरकारलाई दिएको समर्थन कायम रहन्छ, अस्थिरता हुनु हुन्न भन्ने हाम्रो धारणा हो । त्यस्तो अवस्था आए विचारमा परिवर्तन गर्न सक्छौं ।’
मुख्यमन्त्री पृथ्वीसुब्बा गुरुङले निम्त्याएपछि आइतबार बागलुङबाट उनी पोखरा आएका छन् । मुख्यमन्त्रीसँगको भेटमा समेत सरकारलाई दिएको समर्थन कायम रहने वाचा गरेको थापाले जानकारी दिए । ‘मुख्यमन्त्री ज्यूले धारणा बुझ्न खोज्नुभयो । मैले साथ छोडिन्न भनेर आएँ,’ आदर्श समाजसँगको कुराकानीमा उनले भने, ‘अहिले फुट्ने भनिएको नेकपाको अर्को धारले पनि सरकारलाई सघाउने भनेको रहेछ । यो सरकार नढल्ने देखियो ।’
सरकारबाट हट्दैनौं : मन्त्री चुमान
आन्तरिक मामिला तथा कानुन मन्त्री हरिबहादुर चुमानले नै सरकारसँगको समर्थनबाट हात नझिक्ने बताएका छन् । साविक माओवादीबाट निर्वाचित उनले भने, ‘व्यवहार उपयुक्त रहँदासम्म र बल मिच्याईं नगर्दासम्म संघको रोग ल्याउन चाहान्नौं । हिजो पनि २ वटा दलको संयुक्त सरकारको रुपमा चलेको हो नि ।
सहकार्यका लागि मुख्यमन्त्रीले आग्रह गरेकोले बलमिच्याईं हुन्न भने साथ दिन तयार रहेको उनले बताए । प्रदेश अनुसार फरक समीकरण बन्ने उनको भनाइ थियो । ‘फरक समीकरण र फरक अवस्था छ । सबै प्रदेशमा एउटै नीति लागु हुँदैन,’ उनले अघि थपे, ‘नमिलेको कुरा मिलाइदिन भनेका छौं । अलग दल हुँदा त्यो माग सरकारले सुन्नुपर्छ । भोलि कतै केही थप्दा हामीलाई समेट्नुप¥यो । असमान व्यवहार हुनु भएन ।’
जनमोर्चा र विभाजित नेकपाले सरकारको समर्थन फिर्ता नलिए मुख्यमन्त्रीलाई विश्वासको मत लिनुपर्ने अवस्था आउँदैन । यही समीकरण कायम रहे गण्डकीको सरकार निरन्तर चल्छ । तर प्रचण्ड–नेपाल समूहका अर्का सांसद भने सरकारलाई समर्थन गर्ने कुनै सहमति वा निर्णय नभएको बताउँछन् । ‘दलको निर्णय भएको छैन । छुट्टै दल बन्नुपर्छ । केन्द्रको निर्णय मान्नुपर्छ,’ सांसद दीपक कोइरालाले भने, ‘अहिलेसम्म सबैको व्यक्तिगत धारणा बाहिर आइरहेको छ । दलको धारणा फरक हुन सक्छ ।’
सरकारका प्रवक्ता रामशरण बस्नेतले जनमोर्चाको साथले सरकारलाई बहुमत पुग्ने दाबी गरे । ‘आन्तरिक कुरा भएको छ । जनमोर्चाले साथ दिने टुंगो भइसक्यो । बाँकी संख्या नेकपाबाटै पु¥याउछौं,’ उनले भने, ‘सरकारलाई बहुमत पु¥याउन जनमोर्चा बाहेकको समर्थन नचाहिने अवस्था बनिसक्यो ।’
स्रोतका अनुसार साविकमा रामबहादुर थापा ‘बादल’ निकट एकजना सहित ३ जनालाई ओली पक्षधरले फकाइरहेको छ । यद्यपि पूर्व माओवादीका सांसदहरु एकढिक्का रहेको उनीहरुका दाबी छ । शनिबार भएको प्रचण्ड–नेपाल पक्षको प्रदेशस्तरीय बैठकमा १२ जना (सभामुख बाहेक) सांसद नै उपस्थित भएका थिए ।
अघोषित दल गठन
प्रचण्ड–नेपाल समूहले अघोषित रुपमा छुट्टै संसदीय दल गठन गरिसकेका छन् । पूर्व माओवादी हुँदाकै दललाई ब्युँत्याइएको हो । तत्कालीन समयमा मन्त्री चुमान संसदीय दलको नेता थिए भने गायत्री गुरुङ प्रमुख सचेतक थिइन् । रामजी बराल उपनेता थिए । तर अहिले माधव पक्षबाट इन्द्रलाल सापकोटा समेत मिसिएका कारण उनलाई समेट्न बाँकी रहेको मन्त्री चुमानले बताए । ‘हिजै बनिराखेको छ । प्रक्रियामा लैजाने मात्रै हो । हिजो जे थियो, त्यही हुन्छ,’ उनले भने, ‘एकजना साथी थप हुनुभएको छ, उहाँलाई पनि जोड्नुप¥यो । दलको नेता नभने पनि नेतृत्व मैले गरिरहेको छु ।’
संसदीय दलको बैठक छुट्टछुट्टै
विभाजित नेपाल कम्युनिस्ट पार्टी (नेकपा) को दुवै पक्षको संसदीय दलको बैठक छुट्टाछुट्टै डाकिएको छ । सोमबार दिउँसो ४ बजेका लागि प्रमुख सचेतक मायानाथ अधिकारीले एकीकृत बैठक बोलाएका छन् । तर त्यो बैठकलाई उछिनेर प्रचण्ड–नेपाल पक्षका सांसदहरुको बैठक ११ बजेलाई बोलाइएको छ । चुमानले सोमबारका लागि डाकिएको संसदीय दलको बैठकमा सहभागी नहुने बताएका छन् । ‘हाम्रो छुट्टै दल बन्छ । त्यहाँ सहभागी हुँदैनौं,’ उनी भन्छन्, ‘प्रक्रिया टुंगिएपछि फरक दलको व्यवहार सुरु हुन्छ ।’ ओली पक्षले संसदीय दलको कार्यालयमा बैठक डाकेको छ भने फरक समूहले बुद्धचोकमा बैठक बोलाएको छ ।
गण्डकी प्रदेश सभामा
नेकपा(ओली समूह) – २७
नेपाली कांग्रेस – १५
नेकपा (दाहाल/नेपाल समूह )– १३
राष्ट्रिय जनमोर्चा – ३
जनता समाजवादी – २
Related News
सम्बन्धित समाचार
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
दृष्टिविहीनलाई बाटो देखाउँदै गुगल
hero news full width
मुख्य समाचार
प्रकट पगेनी ‘शिव’ को निधन
कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१फेरि बढ्यो पेट्रोल, डिजेल र मट्टितेलको भाउ
वैशाख ३, २०८१अन्नपूर्ण क्षेत्रमा भित्रिए ९ महिनामा १ लाख ४४ हजार पर्यटक
वैशाख ३, २०८१झण्झटिलो प्रशासनिक सेवा र भ्रष्टाचार विकासका बाधकः राष्ट्रपति
वैशाख ३, २०८१बजेटमाथि बहुवर्षे योजनाको चाप : दायित्व पौने १६ अर्ब
वैशाख ३, २०८१