पोखरा । पोखरा फोटोग्राफर संघ महिला उपसमितिले साथी संसार नेपालका मस्तिष्क पक्षघातपीडित बालबालिकालाई नगद तथा खाद्यान्न सामग्री सहयोग गरेको छ ।

तीजको दरखाने रकम कटौती गरी दानपेटिकामा संकलित रकमबाट १७ हजारसहित खाद्यान्न सामग्री सहयोग गरिएको उपसमिति संयोजक पूर्णकुमारी थापाले जानकारी दिइन् ।

साथी संसार नेपालकी खुमकुमारी रानाले दिदीबहिनीहरुको सहयोगप्रति आभार व्यक्त गर्दै आगामी दिनमा पनि यस्तै सहयोगको अपेक्षा राखिन् ।

कार्यक्रममा पोखरा फोटोग्राफर संघका अध्यक्ष रविनाथ दाहाल, पोखरा फोटोग्राफर संघका निवर्तमान अध्यक्ष तुलसीराम सुवेदी, कैलाश सहकारी संस्थाका संस्थापक अध्यक्ष नवीनराज पौडेल, पूर्व अध्यक्ष जीवन ढुंगाना, फोटोग्राफर संघ महिला उपसमिति सदस्य नन्दकला पौडेललगायतले बोलेका थिए ।