Worldlink ads

रेडियो जननीको साधारणसभा

adarsha samaj आदर्श समाज सम्वाददाता
पौष ११, २०७७
Radio AGM News 2077-09-11

पोखरा । रेडियो जननीको ११ औं वार्षिक साधारणसभा शनिबार सम्पन्न भएको छ । कार्यक्रम उद्घाटन गर्दै अग्रज पत्रकार नारायण कार्कीले सूचना प्रवाहका निम्ति रेडियो एक सशक्त माध्यम रहेको बताए ।

‘कोभिड–१९ ले विश्व नै आक्रान्त बनिरहेको अवस्थामा सञ्चार क्षेत्र पनि अछुतो छैन्, आर्थिक क्षेत्र धरासायी बनिरहेको यो अवस्थामा मिडिया क्षेत्रमा अझ चुनौती थपिएको छ, सोही कारण आर्थिक पाटोलाई सशक्त बनाउनुपर्छ, जसका निम्ति अरू क्षेत्र स्वस्थ्य हुनु आवश्यक छ,’ उनले भने ।

रेडियोले सुरुआती अवस्थादेखि नै उद्यशीलताको क्षेत्रलाई विशेष जोड दिँदै आएको भन्दै रेडियो जननीका अध्यक्ष मीलन थापाले यस विषम परिस्थितिमा पनि रेडियोलाई निरन्तरता दिँदै आएको जानकारी गराइन् । महामारीको रूपमा फैलिएको कोभिड–१९ का कारण रेडियो जननीका प्रमुख कार्यक्रमहरू समेत स्थगित गर्नुपरेको भन्दै समयानुकुल ती कार्यक्रमहरूलाई पनि निरन्तरता दिँदै जाने उनले बताइन् ।

रेडियोका संस्थापक अध्यक्ष हीरा भट्टराईले विभिन्न आरोहअवरोह पार गर्दै उद्यमशीलता तर्फ लाग्ने नेपालकै पहिलो रेडियो रेडियो जननी रहेको बताइन् । रेडियोलाई निरन्तरता प्रदान गर्न सम्पूर्णको सहकार्यको खाँचो रहेको समेत उनको भनाइ थियोे ।

‘स्थापनाकालको छोटो अवधिमा पनि रेडियोले समाजमा सकरात्मक प्रभाव पारेको छ, यसले रेडियोलाई आगामी दिनमा अझ सशक्त रूपमा अगाडि बढाउन हौसला मिलेको छ,’ भट्टराईले भनिन् ।

कोरोना महामारीका कारण राष्ट्रिय सञ्चारमाध्यमहरू धरासायी बन्दै गइरहेका बेला मोफसलमा रहेर पनि रेडियो जननीले आफ्नो कार्यलाई निरन्तरता दिनु पनि आफैमा एक सफलता रहेको रेडियोका संस्थापक सेयर सदस्य एवं थ्री सिस्टरका प्रबन्ध निर्देशक लक्की कार्की क्षेत्रीले बताइन ।

संस्थापक सेयर सदस्य लक्ष्मी पाण्डले राज्यले मिडियामा सोचे अनुरूपले लगानी नगरेको भन्दै मिडियाको आर्थिक पाटो निकै कमजोर रहेको बताइन् । उनले उद्यमी वर्ग साथै समाजमा रहेका आवाजविहीनको आवाजलाई बुलन्द बनाउन रेडियो जननीले अझ प्रभावकारी भूमिका खेल्नेमा आफू विश्वस्त रहेको बताइन् ।

सफल मिडिया प्रा।लिका निर्देशक एवं रेडियो जननीका सल्लाहकार दुर्गा हुमागाईले कोभिडको असरबाट मिडिया अछुतो नरहेको भन्दै चुनौतीलाई आत्मसाथ गर्दै अगाडि बढ्न सुझाव दिए । साथै मिडिया क्षेत्र निकै प्रतिस्पर्धात्मक रहेको यस समयमा रेडियो जननीले समाजमा छुट्टै छाप छोड्न सफल भएको प्रति उनले खुसी व्यक्त गरे ।

रेडियो जननी ९०.६ का प्रवन्ध निर्देशक सविता शेरचनले रेडियोलाई प्रत्यक्ष एवं अप्रत्यक्ष रुपबाट सहयोग गर्ने सम्पूर्णलाई धन्यवाद दिँदै आगामी दिनमा पनि यस्तै साथ सहयोगको अपेक्षा रहेको बताइन् ।

रेडियोका कानुनी सल्लाहकार दामोदर अधिकारी, सेयर सदस्य एवं कर्मचारीको उपस्थिति रहेको सो कार्यक्रममा संस्थामा रहेर संस्था संचालनमा पु¥याएको योगदान स्वरुप रेडियोका कर्मचारीलाई सम्मान गरिएको थियो ।

Related News

सम्बन्धित समाचार

    • बैदाम प्रहरीमा महिला इञ्चार्ज

      Avatar आदर्श समाज सम्वाददाता माघ ३, २०७७
      पोखरा । वडा प्रहरी कार्यालय बैदामले पहिलो पल्ट महिला इञ्चार्ज पाएको छ । प्रहरी नायव उपरीक्षक (डीएसपी) चिनीमाया तामाङले इञ्चार्ज…
    • उच्च र जिल्ला बारलाई पुस्तक

      Avatar आदर्श समाज सम्वाददाता माघ ३, २०७७
      पोखरा । नेपाल बार एसोसिएसन केन्द्रीय कार्यालयले उच्च बार पोखरा र जिल्ला बार कास्कीलाई पुस्तक हस्तान्तरण गरेको छ । परिवर्तित…
    • लेकसाइडमा सिसी क्यामरा राख्न सांसद पहारीले सघाउने

      Avatar आदर्श समाज सम्वाददाता माघ ३, २०७७
      पोखरा । गण्डकी प्रदेश सांसद राजीव पहारीले लेकसाइड क्षेत्रमा सिसी क्यामरा राख्न आवश्यक बजेटमध्ये आधा आफूले सहयोग गर्ने आश्वासन दिएका छन्…
    • पत्रकार महासंघ कास्कीकाे साधारण सभा, १० पत्रकार सम्मानित

      Avatar आदर्श समाज सम्वाददाता माघ २, २०७७
      पोखरा । नेपाल पत्रकार महासंघ कास्की शाखाको शुक्रबार १५ औं साधारण सभा एवं पुरस्कार/सम्मान अर्पण समारोह’ भएको छ । कार्यक्रम…
    • बौरिँदै पोखराको पर्यटन

      rss रासस माघ २, २०७७
      पाेखरा ।  राजधानी काठमाडौँपछिको प्रमुख पर्यटकीय क्षेत्रको रुपमा पोखरा कहलिएको छ । अनुपम प्राकृतिक सुन्दरता, भौगोलिक विविधता तथा सुन्दर तालतलैया…

    hero news full width

    sanil ads

    wordlink ads