याे वर्ष टुर दी पोखरा नहुने

आदर्श समाज संवाददाता
पौष १०, २०७७
cycle-2

पोखरा । साइकल सिटी पोखराले बर्सेनि गर्दै आएको टुर दी पोखरा यो वर्ष नहुने भएको छ । कोरोनाका कारण भीडभाड गर्न नपाइने भएपछि यो वर्षका लागि कार्यक्रम स्थगित गरिएको साइकल सिटी पोखराका अध्यक्ष महेन्द्रराज कोइरालाले जानकारी दिए ।

उक्त संस्थाको आयोजनामा ५ वर्षसम्म विभिन्न थिममा टुर दी पोखरा हुँदै आएको थियो । छैटौं संस्करणको कार्यक्रम अझै भव्य बनाउने सोच रहे पनि यो वर्ष कोरोनाकै कारण गर्न असम्भव भएको कोइरालाले बताए ।

पोहोर सालको कार्यक्रम ‘थोपा थोपा इन्धन बचाऔं’ नारासहित एक हजारभन्दा बढी साइकल यात्रीको सहभागितामा भएको थियो । साइकल संस्कृतिको विकाससँगै वातावरणीय सन्तुलनका लागि समेत यो कार्यक्रम हुँदै आएको थियो । साइकललाई स्वास्थ्यसँग पनि जोडिएको छ ।

साइकल सिटीका पूर्व अध्यक्ष प्रकाश बज्राचार्यले पछिल्लो समय वातावरण र स्वास्थ्य बिग्रदै गएकाले त्यसलाई सपार्न पनि साइकल उत्तम हुने भएकाले कार्यक्रम गर्दै आएको बताए । अवस्था सहज भए अर्को वर्ष निरन्तरता दिने प्रतिबद्धता उनले जनाएका छन् ।

टुर दी पोखरा २०१९ का संयोजक राजन गोंगजुले टुर दी पोखरालाई पोखराको ब्रान्ड बनाउन र सहरलाई साइकल सिटीका रुपमा अघि लैजान आफूहरुले प्रयास गरेको बताए । पोखरा वाहेक नेपालका विभिन्न जिल्ला र विदेशबाट समेत टुर दी पोखरामा सहभागिता हुने गरेको थियो ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width