कालिगण्डकी करिडोरमा ट्रक दुर्घटना ३ को मृत्यु

ramkumarshrestha रामकुमार श्रेष्ठ
पौष ८, २०७७
accident-f25_nZ8vN6ymKd

नवलपरासी । कालीगण्डकी कोरीडोर अन्तरगत पूर्वी नवलपरासीको गैंडाकोट नगरपालिका ३ भोक्रोफाँटमा कालिगण्डकी करिडोरको ट्रक भिरबाट ट्रक खस्दा ३ जनाको मृत्यु भएको छ । नवलपुरको गैंडाकोट ३ भोक्रोफाँटस्थित २६ किलोमिटरको पहरामा ट्रक दुर्घटना भएको छ ।

ना३ख ५३३९ नम्बरको लोहनी कन्स्ट्रक्सनको सिमेन्ट बोक्ने ट्रक खसेको जिल्ला प्रहरी कार्यालय नवलपुरका प्रहरी नायव उपरीक्षक मोहनबहादुर खाँणले बताए । दुर्घटनामा परी ३ जनाको निधन भएको र अन्य विवरण आउन बाँकी रहेको उनले बताए । घटनास्थलमा उद्दार कार्य जारी रहेकोले मृतकको सनाखत हुन सकेको छैन ।

बुलिङटार गाउँपालिकाको खामबेंसीबाट फर्कदै गर्दा ट्रक दुर्घटनामा परेको जनाइएको छ । घटनास्थलमै ३ जना पुरुषको शव फेला परेको स्थानीयले जानकारी दिएका हुन् ।
ट्रक पहराबाट करिब १ सय मिटर तल खसेको छ भने सडकदेखि करिब १ सय मिटर दुरीमा शव फेला परेको गैडाकोट ३ का वडाध्यक्ष शिवकान्त तिवारीले बताए ।

घटनास्थल गैंडाकोट पूर्व पश्चिम राजमार्गदेखि करिब ३५ किमिको दुरीमा पर्छ । विस्तृत विवरण अझै आउन बाँकी रहेको छ । अहिले स्थानीय र प्रहरीले उद्दार कार्य जारी राखेको नवलपुर प्रहरीले जनाएको छ ।

Related News

सम्बन्धित समाचार

    hero news full width

    sanil ads

    wordlink ads