यो नियोजित घटनाक्रम हो । स्वेच्छाचारी हिसावले पार्टीमा अघि बढिरहेको र जनहित विपरित गतिविधि गरिरहेको विगतको घटनाक्रमले यो अवस्था आउला भन्ने संकेत थियो । आज एकाएक आएको होइन । पूर्व तयारी हो ।

परिवर्तन चाहने र गणतन्त्रलाई माया गर्नेहरुबीच एकता गरेर घटनाक्रमको प्रतिवाद गर्नुपर्छ । गणतन्त्र प्रेमी र अग्रगामी शक्तिहरुबीच प्रतिवादका लागि अपिल गर्छौं ।

राष्ट्रपतिलाई महाअभियोग लगाउन संसद पुनस्थापना गर्ने प्रमुख दबाब हुन्छ । यो सरकारले घोषणा गरेको चुनाव बहिष्कार गर्ने वा यो सरकारलाई हटाएर जनताको म्यान्डेटको सरकारले चुनाव गर्ने कुरामा सडकबाट माग गर्छौं । सरकार बाहिर भएका शक्तिलाई यो अवसर मात्रै होइन । चुनौती पनि हो नि ।

राजावादी र अहिलेको सरकारबीच तारतम्य मिलाएर नै संसद विघटन भएको छ । अहिलेसम्मको घटनाक्रमले त्यो महसुस भइरहेको छ कि, बाहिर राजावादीहरुको चलखेल र हिजो गणतन्त्र विरोध गर्ने हरुको तारतम्य मिलिरहेको छ । प्रतिगामी हर्कत बढाएको छ ।

हामी एकजुट हुन्छौं । सडकबाट संघर्ष गर्छौं ।

आदर्श समाजसँगकाे कुराकानीमा आधारित