जनकपुर पुग्नुपर्ने विमान कसरी आयाे पोखरा ? बद्ध एयरले थाल्याे छानबिन 

आदर्श समाज संवाददाता
पौष ५, २०७७
1608358636_buddha

फाइल तस्बिर

पाेखरा । बुद्ध एयरले जनकपुर पुग्नुपर्ने विमान पोखरा पुगेको प्रकरणको छानबिन गर्ने भएको छ। बुद्ध एयर स्रोतका अनुसार उक्त प्रकरणमा छानबिन गर्न समिति गठनसमेत गरिसकिएको छ। तर समितिमा को–को छन् भन्नेबारे सार्वजनिक गरिएको छैन।

शुक्रबार बुद्ध एयरको ६०७ नम्बरको विमान जनकपुर उड्नुपर्नेमा पोखरा आइपुगेको थियो।

प्रारम्भिक अनुसन्धानमा यस घटनामा ग्राउण्ड ह्याण्डलिङ गर्ने कर्मचारीलाई दोषी मानिएको छ। ग्राउण्ड ह्याण्डलिङ गर्ने कर्मचारी, टावर र पाइलटबीचको समन्वय अभाव नै घटनाको कारक भएको बताइएको छ।

विमान उड्ने बेलामा एयरहोस्टेसले विमान जनकपुर जाँदैछ भनेको र पाइलटलाई दिइएको कागजमा पनि जनकपुर नै उल्लेख भएको बताइएको छ। यस्तै, ग्राउण्ड ह्याण्डलिङ गर्ने कर्मचारीले पनि जनकपुर नै उड्नुपर्ने भनेका थिए। तर टावरले पोखरा जान भनेकाले पाइलट झुक्किएको बताइएको छ।

विमान पोखरा विमानस्थलमा अवतरण गरेपछिमात्र यात्रुहरुले आफूहरु जनकपुर नभई पोखरा उत्रिएको थाहा पाएका थिए। त्यसपछि यात्रुलाई पुनः जनकपुर पठाइएको थियो।

Related News

सम्बन्धित समाचार

  • वर्षाले हिलाम्मे पोखरा प्रवेशमार्ग

    धनबहादुर गुरुङ चैत्र १६, २०८०
    पोखरा ।  पर्यटकीय राजधानी पोखरालाई संघीय राजधानी सहरसँग जोड्ने पृथ्वी राजमार्ग स्तरोन्तति कार्य जारी नै छ । आँबुखैरेनी–पोखरा करिब ८०…
  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…

hero news full width