पोखरा । पोखरा चिसाखोला वेद विद्याश्रममा लायन्स क्लब अफ पोखरा सेन्ट्रल सिटीका अध्यक्ष राजेश शिल्पकारको सौजन्यमा वेद विद्याश्रम प्रवेश गर्ने प्रवेशद्वार र सिंढी बाटोको रेलिङ् दान सहयोग हस्तान्तरण गरिएको छ ।

कार्यक्रममा लायन लिडर सुचित्रा थापाले वैदिक धर्म संस्कृतिमा वेद विद्याश्रमले खोलेको भूमिकाको प्रशंसा गर्दै धर्म संस्कृतिको संरक्षणमा लायन्स क्लबको कदमको प्रशंसा गरिन् ।
रिजन चियर पर्सन लायन वासुदेव कोइरालाले सामाजिक उत्तरदायित्वमा बालबालिकाको विकासकालागि र सनातन संस्कार संरक्षणमा लागिपरेको वेद विद्याश्रमलाई आगामि दिनमा पनि आफ्नो र क्लबको तर्फबाट सहयोग दिने वचन दिए ।

जोन चियर पर्सन लायन चेतन कार्कीले क्लबका अध्यक्ष राजेश शिल्पकारले गरेको सहयोगको प्रशंसा गर्दै पारिवारिक व्यावसायिक समसामयिक विषयमा आगामी वर्षमा पनि कार्यक्रम लिएर आउने प्रतिबद्धता व्यक्त गरे ।

क्लबका अध्यक्ष राजेश शिल्पकारले ऐतिहासिक तपोभूमि वेद विद्याश्रमलाई आगामी दिनमा शैक्षिक भौतिक विकासमा सहयोग जुटाउन हरतरहबाट लागि पर्ने वचन दिए ।
वेद विद्याश्रमका प्रमुख संरक्षक मोक्षनाथ तिमिल्सिनाले आश्रमको गतिविधि माथि प्रकाश पार्दै, दाताहरुलाई धन्यवाद दिए ।

क्लबका सचिव अर्जुन पौडेलले सञ्चालन गरेको कार्यक्रममा कार्यक्रम संयोजक प्रदिप सुवेदी, द्वित्तीय उपाध्यक्ष, सुमनराज ढकाल, शिव पौडेल, मनोज खड्का तथा विद्याश्रमका तर्फबाट विव्यस अध्यक्ष मणिरत्न अधिकारी, सल्लाहकार लक्ष्मीराज शर्मा, प्रअ श्रीराम तिमिल्सिना लगायतको उपस्थिति थियो ।