पर्वत । पर्वतलाई कार्यथलो बनाएर पत्रकारिता गर्दै आएका महेन्द्र केसीको बिहीबार निधन भएको छ ।

पर्वतको मोदी गाउँपालिका– ५ बाजुङ निवासी पत्रकार केसी हरियो सर्पले टोकेर घाइते भएका थिए । लामो समयको उपचारकै क्रममा शिक्षण अस्पताल महाराजगञ्जमा मृत्यु भएको हो ।

उपचारकै क्रममा उनीमा मृगौलामा समस्या देखिनुका साथै कोरोना संक्रमण भएको थियो ।

नेपाल टेलिभिजनका पर्वत समाचारदता समेत रहेका पत्रकार केसी आफ्नै साहारापाटी टिभी नामक युट्युव च्यानलसँग समेत आवद्ध थिए ।

नेपाल पत्रकार महासंघ पर्वतले एक शोक वक्तव्य प्रकाशित गरी पत्रकार महेन्द्र केसीको निधनले सिंगो पत्रकारिता क्षेत्रमा अपूरणीय क्षति पुगेको जनाएको छ ।

महासंघले मृतात्माप्रति श्रद्धाञ्जली व्यक्त गर्दै शोक सन्तप्त परिवारजनमा समवेदना समेत प्रकट गरेको छ ।