पोखरा । प्रमुख प्रतिपक्षी दल नेपाली काँग्रेसले वर्तमान सरकारविरुद्ध सोमबार देशभर विरोध प्रदर्शन गरेको छ । सरकार आन्तरिक किचलोको दलदलमा फसेर जनपक्षीय काम गर्न नसकेको भन्दै काँग्रेसको केन्द्रीय समिति निर्णयअनुसार देशका ७७ वटै जिल्लामा काँग्रेसले विरोध प्रदर्शन गरेको हो । जिल्ला–जिल्लाका विरोध प्रदर्शनलाई काँग्रेसका शीर्ष तहका नेता लगायतले सम्बोधन गर्दै नेपाल कम्युनिष्ट पार्टी (नेकपा) नेतृत्वको सरकार जनविरोध रहेको भन्दै तत्काल निकासको माग गरे ।
काँग्रेस सभापति शेरबहादुर देउवाले मकवानपुरको आन्दोलनलाई सम्बोधन गर्दै सडक प्रदर्शन काँग्रेसको रहर नभै सरकारले आन्दोलको लागि बाध्य बनाएको टिप्पणी गरे । उनले सरकारले जनमैत्री र प्रभावकारी काम गर्न नसकेको पनि आरोप लगाए । सभापति देउवाले जनताको माग र आवश्यकताअनुसार वर्तमान सरकारले काम नगरेको तथा कोभिड–१९ को असहज परिस्थितिमा समेत जनतालाई उचित उपचार र राहत दिन नसकेको आलोचना गरे ।
वरिष्ठ नेता रामचन्द्र पौडेलले काठमाडौंमा आयोजना गरेको विरोधसभालाई सम्बोधन गरे । उनल नेकपा अध्यक्ष केपी शर्मा ओली नेतृत्वको सरकार संविधान र व्यवस्थालाई कमजोर बनाउन लागिपरेको आरोप लगाए ।
कास्कीमा भएको प्रदर्शनमा सहभागी काँग्रेस केन्द्रीय सदस्य अर्जुनरसिंह केसीले सम्बोधन गरेका थिए । उनले यो आन्दोलन कम्युनिस्ट सरकारविरुद्ध काँग्रेसको ‘चौथो आन्दोलन’ को संज्ञा दिए । नेता केसीले विगतमा राणा, पञ्चायत र राजा फालेको काँग्रेसले कम्युनिष्टविरुद्ध चौथो संघर्षका लागि तयारी अवस्थामा रहन कार्यकर्तालाई निर्देशनसमेत दिए । उनले भने, ‘अहिलेको आन्दोलन कास्टिङमात्र हो, चौथो आन्दोलनको लागि तयारी हुनुहोला ।’
उनले लोकतन्त्र र संविधानको जामा ओढेर सरकारले निरंकुश शासन चलाउन खोजेको आरोप पनि लगाए । कम्युनिष्टहरु लोकतन्त्रको संरक्षक हुन नसक्ने भन्दै आगामी चुनाव टार्ने रणनीति हुन सक्छ भन्दै त्यसविरुद्ध खबरदारी आवश्यक रहेको पनि बताए ।
काँग्रेसका पूर्व महामन्त्री एवं पूर्व सभामुख तारानाथ रानाभाटले कम्युनिष्टको अधिनायकवादविरुद्ध एक भएर लड्नुपर्ने बेला आएको बताए ।
पूर्व मन्त्री यज्ञबहादुर थापाले कम्युनिष्ट सरकार भ्रष्टाचारमा लिप्त हुँदा नेपाली जनताले दुःख पाएको बताए ।
विरोधसभालाई सम्बोधन गर्दै कास्की काँग्रेसका सभापति कृष्ण केसी, तरुण दल कास्की अध्यक्ष मनोज गुरुङ, काँग्रेस नेता खेमराज पौडेल, सुदीपमोहन भट्टराई, लक्ष्मी पाण्डे लगायतले सरकारका गतिविधिविरुद्ध आमनागरिक सचेत हुनुपर्ने बताए ।
चिप्लेढुंगाबाट सुरु काँग्रेसको प्रदर्शन पोखरा बजार परिक्रममा गरी पृथ्वीचोकमा पुगी विरोधसभामा परिणत भएको थियो । प्रदर्शनका सहभागीहरुले अहिलेको सरकारको कामकारबाहीप्रति टिप्पणी गर्दै राष्ट्रपति तथा प्रधानमन्त्रीविरुद्ध समेत चर्का नाराबाजी लगाएका थिए ।
पुलले तानिएको आन्दोलन
काँग्रेस वरिष्ठ नेता रामचन्द्र पौडेललाई गृहजिल्लामै पुल उद्घाटन गर्न नदिँदा काँग्रेस आन्दोलनको विजारोपण भएको हो । गत मंसिर १७ मा व्यास १, १० र ११ जोड्ने तालघरे दुम्सीचौर सडकखण्डअन्तर्गत बुल्दी खोलामा बनेको पक्की मोटरेबल पुल उद्घाटन गर्न पुगेका काँग्रेस वरिष्ठ नेता पौडेलमाथि प्रहरी प्रशासनले दुव्यर्वहार गरेको थियो । जसको चौतर्फी विरोध भयो । भलै भोलिपल्टै पौडेलले शक्ति प्रदर्शनका साथ पुल उद्घाटन गरेरै छाडे । सोही घटनाबाट सरकारविरुद्ध उब्जिएको बिउ बढ्दो भ्रष्टाचार, कोरोना भाइरसमा सरकारी असफलता, संक्रमितको उपचारमा बेवास्ता र सरकारको कार्यशैलीविरुद्ध काँग्रेसले सोमबार देशभर प्रदर्शन गरेको हो ।
तनहुँको आन्दोलनलाई सम्बोधन गर्न केन्द्रीय सदस्य डा. मीनेन्द्र रिजाल आएका थिए । उनले सम्बोधनक्रममा जनताको मतको कदर नभएको बताए । नेता रिजालले जनताले दिएको भोटले जनतामाथि नै खेलबाड भएको बताए । उनले भने, ‘जनताले दिएको भोट ५ वर्ष विकास गर्नका लागि हो, जनतामाथि खेलबाड गर्नु होईन । विधि मान्ने हो भने जनताले मान्छन् । तर विधि नमान्ने हो भने जनताले बालुटारबाट नै सत्तालाई निकालेर फालेर देखाउँछन् । ’
अर्का केन्द्रीय सदस्य गोविन्द भट्टराईले गाउँ–गाउँदेखि बजारसम्म कम्युनिष्ट सरकारको भ्रष्टाचार मौलाएको आरोप लगाए । उनले भने, ‘विभिन्न आश्वासन दिएर सत्तामा पुगेको सरकार भ्रष्टाचार गर्न लिप्त छ । यो ओली सरकार विकास गर्न जान्दैन, झुटको खेतीमात्र गर्न जानेको छ । ’
तनहँु काँगे्रसका सभापति वैकुण्ठ न्यौपानेले सरकारको प्रवृत्तिविरुद्ध देशभर विरोध प्रर्दशन भएको बताए ।
जिल्ला कार्याललबाट निस्किएको विरोध र्याली दमौली बजार परिक्रम गरे खुलामैदानमा पुगेर सभामा परिणत भएको थियो । र्यालीमा सहभागीले काँग्रेसको झण्डा फहराउँदै ओली सरकारविरुद्ध चर्को नारा लगाएका थिए ।
Related News
सम्बन्धित समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१