पोखरा । मह जोडी अर्थात मदनकृष्ण श्रेष्ठ, हरिबंश आचार्य अभिनित चलचित्र यूट्युबमा सार्वनजिक भएको छ ।

मह सञ्चारको आधिकारिक च्यानलबाट दुई दिन अगाडी सार्वजनिक भएको चलचित्रलाई करिब ६ लाख पटक हेरिएको छ, जुन औषत हो ।

चलचित्रमा मह जोडीका साथै निरुता सिंह, पुष्प खड्का, आँचल शर्मा, बर्षा राउत, राजाराम आचार्य, किरण केसी लगायतको अभिनय छ ।

मह सञ्चारले निर्माण गरेको यो चलचित्रको लेखन हरिबंश आचार्यको छ भने निर्देशन सुदन केसीको छ । निर्देशक केसी कलाकार किरण केसीका छोरा हुन् ।

गत वर्षको बैशाखमा हलमा लागेको चलचित्रले राम्रो व्यापार गरेको थियो । रिलिजको करिब डेढ वर्षपछि यूट्युबमा सार्वजनिक हुँदा सन्तोषजनक भ्यूज भने पाएको छैन । हाल नेपालको यूट्युब ट्रन्डिङको नं. ७ मा रहेको छ ।