पोखरामा बिहीवार आयोजित एक कार्यक्रमका वक्ताले सबैले मानवअधिकारको संरक्षण, सम्वद्र्धन र सम्मान गर्नुपर्नेमा जोड दिएका छन् ।
‘मानवअधिकार उल्लंघनविरुद्ध सञ्चार अभियान’ भन्ने मूलनाराका साथ स्थापित मानवअधिकार पत्रकार संघ हुर्जा गण्डकीले विश्वशान्तिको कामना र कोरोनाबाट दिवङ्गतप्रति श्रद्धासुमनका लागि आयोजना गरेको दीप प्रज्वलन कार्यक्रमका वक्ताले उक्त धारणा राखेका हुन् ।
७२ औँ अन्तर्राष्ट्रिय मानवअधिकार दिवस पारेर मानवअधिकार चोकमा आयोजना गरिएको कार्यक्रममा बोल्दै राष्ट्रिय मानवअधिकार आयोग क्षेत्रीय कार्यालय पोखराका प्रमुख चन्द्रकान्त चापागार्इँले मानवअधिकार दिवस मनाइरहँदा सबैले मानवअधिकारको संरक्षण, सम्वद्र्धन र सम्मान गर्नुपर्ने बताए ।
स्वतन्त्र पत्रकार संघ नेपालका संस्थापक अध्यक्ष अग्रज पत्रकार कृष्णप्रसाद बास्तोलाले मानवअधिकारको रक्षा नभए कोही कसैको पनि रक्षा हुन नसक्ने धारणा राखे ।
अनौपचारिक क्षेत्र सेवा केन्द्र (इन्सेक) का क्षेत्रीय प्रमुख शिव खकुरेलले नेपालमा आएका र भएका हरेक महामारी र प्राकृतिक प्रकोपका समयमा नागरिक अधिकार उल्लंघन भएको बताउँदै यस्ता अधिकारको संरक्षण गर्न समय–समयमा राज्यलाई खबरदारी गर्नुपर्ने बताए ।
शान्तिका लागि नागरिक समाज सञ्जाल कास्कीका संयोजक विष्णुप्रसाद बरालले अहिलेको समयमा समाज र राष्ट्र आफैँ अप्ठ्यारो अवस्थामा रहेकाले मुक्तिका लागि सबैले आ–आफ्नो क्षेत्रबाट सक्दो सहयोग गर्नुपर्नेमा जोड दिए ।
नेलम्बो नेपालका अध्यक्ष एकदेव देवकोटाले हुर्जा गण्डकीलाई कोरोना कालमा सुरक्षाका लागि सचेतना सामग्री हस्तान्तरण गर्दै मानवअधिकारको विषयमा हरेक व्यक्ति स्वयम् जानकार हुनुपर्ने बताए ।
गैरसरकारी संस्था गण्डकी अध्यक्ष विना सिलवालले मानव भएर सहजरूपमा बाँच्न पाउनुपर्नेमा जोड दिइन् ।
प्रेस युनियन नेपाल कास्की अध्यक्ष नवीन सिग्देलले मानवअधिकारको विषय आफैँमा गहन भएकाले यसलाई चिरस्थायी बनाउनुपर्ने बताए ।
हुर्जा गण्डकी अध्यक्ष असफल गौतमले हुर्जाले निकट भविष्यमा मानवअधिकार क्लब स्थापना गर्ने जानकारी गराए । संस्थाले लैंगिक हिंसाविरुद्धको १६ दिने अभियान, अपाङ्ग दिवस र मानवअधिकार दिवस केन्द्रित गरेर राष्ट्रिय अन्तर्राष्ट्रियरूपमा खुला अनलाइन अधिकारमैत्री मुक्तक प्रतियोगिता सञ्चालन गरिरहेको पनि सो अवसरमा जानकारी दिए ।
कार्यक्रममा हुर्जा गण्डकी सल्लाहकार राजेश पराजुलीले स्वागत र उपाध्यक्ष वीरेन्द्र सापकोटाले कार्यक्रम सञ्चालन गरेका थिए । कार्यक्रममा विश्वशान्ति र दिवङ्गतहरुको आत्माको चिरशान्तिका लागि १ मिनेट मौनधारण गरिएको थियो ।
‘लैङ्गिक हिंसा अन्त्यको प्रतिबद्धताः व्यक्ति समाज र सबैको ऐक्यबद्धता’ नाराका साथ लैङ्गिक हिंसाविरुद्धको १६ दिने अभियानका विविध कार्यक्रम डिसेम्बर १० सँगै समापन भएका छन् ।
Related News
सम्बन्धित समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
hero news full width
मुख्य समाचार
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१