वालिङ । वालिङ नगरपालिकाले नगरका ८ वटा होमस्टेलाई कुखुराका चल्ला वितरण गरेको छ ।
नगरपालिकाले ‘होमस्टे कुखुरापालन समूह’ गठन गरी सोही समूहलाई ‘कुखुरा विकास कार्यक्रम’ अन्तर्गत प्रतिसमूह ६ सय वटा चल्ला वितरण गरिएको नगर उपप्रमुख कल्पना तिवारीले बताइन् ।
‘होमस्टे आउने पाहुनालाई स्थानीय तथा अर्गानिक स्वाद दिन स्थानीय जातका कुखुरापालनमा जोड दिने उद्देश्यले होमस्टेलाई निःशुल्क कुखुराका चल्ला वितरण गरेका हौं,’ उपप्रमुख तिवारीले भनिन्, ‘कुखुराका लागि आवश्यक पहिलो चरणको दानासमेत उपलब्ध गराएका छौं ।’
नगरपालिकाले उपलब्ध गराएको चल्ला राम्रोसँग रेखदेख गरी व्यावसायिक लाभ लिन र होमस्टेको आर्थिक स्तरोन्नतितर्फ अग्रसर हुँदै जान सो अभियानले महत्वपूर्ण भूमिका खेल्ने प्रमुख प्रशासकीय अधिकृत जीवन ज्ञवालीले बताए ।
वालिङको देउराली महिला कुखुरापालन समूह, वनकट्टा होमस्टे महिला कुखुरापालन समूह, लङ्काकोट होमस्टे महिला कुखुरापालन समूह, दाङसिङ होमस्टे महिला कुखुरापालन समूह, बझाकोट होमस्टे महिला कुखुरापालन समूह, कोखे होमस्टे महिला कुखुरापालन समूह र त्रिकन्या होमस्टे महिला कुखुरापालन समूहलाई प्रतिसमूह ६ सय वटाका दरले कुखुराका चल्ला वितरण गरिएको पशु शाखा प्रमुख देवकुमारी श्रेष्ठले बताइन् ।
नगरका विभिन्न वडामा क्रियाशील रहेका होमस्टेमा आबद्ध करिब ३० घरपरिवारले कुखुरा भाग लगाएर आ–आफ्नो घर घरमा पाल्ने शाखा प्रमुख श्रेष्ठले बताइन् ।
पहिलो चरणमा ८ होमस्टेलाई ४ हजार ८ सय कुखुराका चल्ला वितरण गरिएको र अब केही दिनमा बाँकी रहेका राम्चे बुढाकोट होमस्टे र सुन्तलाबारी सामुदायिक होमस्टे होमस्टेलाई ६ सय कुखुराका चल्ला वितरण गरिने जनाइएको छ ।
Related News
सम्बन्धित समाचार
अमरसिंह माविको ६८ औं वार्षिकोत्सव
कास्की कारागारमा आँखा शिविर, १ सय ८८ जनाको आँखा परीक्षण
कालीगण्डकी कोरिडोरः १५ महिनापछि बेनी–मालढुंगाखण्ड निर्माणमा प्रगति
पोखरा १२ मा सहरी स्वास्थ्य केन्द्रको भवन शिलान्यास
संघका कर्मचारीसँग मुख्यमन्त्री आजित !
hero news full width
मुख्य समाचार
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०एमाले कास्की अध्यक्षमा बैनबहादुर विजयी
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
चैत्र १४, २०८०