मानवीय सोचमा परिवर्तन आवश्यक : मन्त्री पुन

Avatar आदर्श समाज सम्वाददाता
मंसिर २३, २०७७
nardevi

पोखरा  । गण्डकी प्रदेश सामाजिक विकासमन्त्री नरदेवी पुनले लैंगिक हिंसा अन्त्यका लागि सबैले बानी, व्यवहारसँगै सोचमा परिवर्तन गर्नुपर्नेमा जोड दिएकी छन् ।

लैंगिक हिंसाविरुद्धको १६ दिने अभियानअन्तर्गत महिला मानवअधिकार रक्षक सञ्जालले सोमबार पोखराका मुस्लिम समुदायका महिलासँग गरेको प्रजनन् स्वास्थ्यमा सुरक्षित गर्भपतन सेवा र अधिकारविषयक अन्तत्र्रिmया बोल्दै सो कुरा बताएकी हुन् । उनले पितृसतात्मक सोचका कारण महिला हिंसामा परेका भन्दै महिलाहरु शैक्षिक र आर्थिक रुपमा सक्षम बन्नुपर्ने बताइन् ।

उनले भनिन्, ‘महिला सृष्टिकर्ता हुन् । महिनाबिना सृष्टिको कल्पना सम्भव छैन । त्यसैले महिलामाथि हुने विभेद र हिंसा अन्त्य गर्नुपर्छ ।’

समानताका लागि आमाहरु नजाग्दासम्म समानता र प्रगतिको कामना गर्न सकिँदैन भन्दै उनले धार्मिक, सामाजिक र सांस्कृतिक रुपमा रहेका कुसंस्कार हटाउनुपर्नेमा जोड दिइन् ।

प्रदेश सांसद मीना गुरुङले धर्मपरम्परामा भएका कुसंस्कार हटाउँदै अधिकार र समानताको खोजी गर्नुपर्नेमा जोड दिइन् । उनले भनिन्, ‘हाम्रा धर्म संस्कारका कारण महिलाहरु अधिकारबाट बञ्चित भएका छन् । त्यसकारण महिला सचेतना पहिलो प्राथमिकता हो ।’

मुस्लिम अगुवा हनिफ मियाँले मुस्लिम समुदायले महिलालाई सम्मान गरेको बताए । महिलालाई संरक्षण गर्ने विषयमा विश्वले मुस्लिम समुदायबाट सिक्नुपर्ने बताउँदै उनले भने, ‘महिलालाई बुर्काले संरक्षण गरेको हो । यसले हिंसा कम हुन्छ ।’

पोखरा १३ का वडा सदस्य कृष्णकुमारी गुरुङले हिंसा घरबाटै सुरु हुने भन्दै अग्रजबाट गरिने विभेद पुस्ता हस्तान्तरण हुँदै जाँदा परम्परा कायम गरेको ठहर गरिन् ।

खेलकुद पत्रकार मञ्च गण्डकी अध्यक्ष एकराज गिरीले महिला हिंसा अन्त्यका लागि सबैको साझा पहल आवश्यक रहेको बताए ।

कार्यक्रममा मुस्लिम धार्मिक क्षेत्र संरक्षण समिति सचिव आसिक इलाही, महिला मानवअधिकार रक्षक सञ्जाल कास्कीका अध्यक्ष तारा थापामगर, सञ्जालका सचिव विना पुनमगर, सदस्य नाजमीननिसा खान लगायतले बोलेका थिए ।

Related News

सम्बन्धित समाचार

    • वालिङमा सञ्चालनमा आयो आइसोलेसन केन्द्र

      Avatar तोलाकान्त बगाले जेठ १, २०७८
      वालिङ । वालिङ नगरपालिकाले निर्माण गरेको अक्सिजनसहितको आइसोलेसन केन्द्र बिहीबार साँझदेखि सञ्चालनमा आएको छ । वालिङस्थित गर्‍हौं प्राथमिक अस्पतालमा अक्सिजनसहितको…
    • हात्तीको आक्रमणबाट मृत्यु

      rss रासस वैशाख ३१, २०७८
      नवलपुर । चितवन राष्ट्रिय निकुञ्जको कोर क्षेत्र बगाई माडी सेक्टरको इच्छानगरमा जङ्गली हात्तीले आक्रमण गर्दा एक जनाको मृत्यु भएको छ…
    • आइसोलेशनका लागि चिकित्सक नियुक्त

      rss रासस वैशाख ३१, २०७८
      दमौली । तनहुँको व्यास नगरपालिकाले कृषि विकास बैंकको भवनमा सञ्चालन गरेको आइसोलेशनका लागि एमबिबीएस चिकित्सक नियुक्त गरेको छ । आइसोलेशनमा…
    • म्याग्दीमा लकडाउन १० दिन थपियो

      sadhanramjali साधन राम्जाली वैशाख ३१, २०७८
      म्याग्दी । म्याग्दीमा लकडाउन जेठ १० गतेसम्म लम्बिने भएको छ । जिल्लामा कोरोना संक्रमणको दर थप बढ्न नदिन प्रमुख जिल्ला…
    • कोभिडविरुद्ध जुध्न सहयोग अभियान

      Avatar आदर्श समाज सम्वाददाता वैशाख ३१, २०७८
      नवलपुर । कोरोनाको दोस्रो लहरको महामारीविरुद्ध जुध्न नवलपुरका निजी क्षेत्रका संघसंस्थाले सहयोग अभियान सुरु गरेका छन् । यहाँका संघसंस्था तथा…

    hero news full width

    Fishtail

    sanil ads

    wordlink ads