Worldlink ads

सांसद गुरुङ वृद्धाश्रममा

Avatar आदर्श समाज सम्वाददाता
मंसिर २३, २०७७
rajib

राधाकृष्ण मन्दिर वृद्धाश्रमका ज्येष्ठ नागरिकलाई स्वास्थ्य सामग्री वितरण गर्दै प्रदेश सांसद राजीव गुरुङ । तस्वीर : कविराज खनाल/आदर्श समाज ।

लेखनाथ  । गण्डकी प्रदेश सांसद राजीव गुरुङले पोखरा–३२ मा रहेको राधाकृष्ण मन्दिर वृद्धाश्रमलाई स्वास्थ्य सामाग्री वितरण गरेका छन् । उनले वृद्धाश्रममा आश्रित ५४ जना ज्येष्ठ नागरिकका लागि सेनिटाइजर र मास्कलगायत स्वास्थ्य सामाग्री वितरण गरेका हुन् ।

उनले कोभिड–१९ कहरको बेला वृद्धवृद्धा, ज्येष्ठ नागरिकलाई सहयोग गर्नु आफ्नो धर्म रहेको बताउँदै ज्येष्ठ नागरिक भनेका समाजका ऐना हुन् भने । ‘ज्येष्ठ नागरिकको दुःखसुखमा साथ दिनु नै मानवीय कर्तव्य रहेको र आगामी दिनमा समेत सहयोग निरन्तरता गर्नेछु,’ उनले भने ।

सांसद गुरुङले हालसम्म संस्थामा रहेका ज्येष्ठ नागरिकका लागि मासिक २० हजार रुपैयाँ दिँदै आएका छन् । साथै उनले बेलाबखत खाद्यसामग्री, लत्ता कपडालगायत वितरण गर्दै आएका छन् ।

आश्रमका अध्यक्ष प्रेम लिगलको अध्यक्षतामा भएको सो कार्यक्रमको संयोजन उपाध्यक्ष सनबहादुर गुरुङ र महासचिव शोभामोहन पौडेलले गरेका थिए ।

Related News

सम्बन्धित समाचार

    hero news full width

    sanil ads

    wordlink ads