पोखरा । अबदेखि २ सय बेडसम्मको अस्पतालको इजाजत र नवीकरण गण्डकी प्रदेशबाटै हुने भएको छ । शनिबार बसेको प्रदेशको मन्त्रिपरिषद् बैठकले केन्द्रको अनुमतिमा यहीँबाट स्वास्थ्य संस्थाको इजाजत तथा नवीकरण प्रदेशबाटै दिने निर्णय गरेको हो ।
यो निर्णयसँगै २१ देखि २ सय शैय्यासम्मको जनरल तथा विशेषज्ञ अस्पतालको इजाजत र नवीकरण प्रदेशमा हुने आन्तरिक मामिला तथा कानून मन्त्री हरिबहादुर चुमानले बताए । २६ देखि ५० बेडको आयुर्वेद अस्पताल, २५ शैयासम्मको डायलोसिस केन्द्र र पुनःस्र्थापना केन्द्रको पनि सामाजिक विकास मन्त्रालयले अनुमति र नवीकरण गर्नेछ ।
२५ देखि ५० शैयासम्मको विशेषज्ञ र जनरल अस्पताल, २५ शैयासम्म आयुर्वेद र डेन्टल, आँखा उपचार केन्द्र, तथा ‘ख’ श्रेणीको रेडियोलोजी सेन्टर, विशेषज्ञ क्लीनिकको अनुमति स्वास्थ्य निर्देशनालयले दिन मिल्छ । स्वास्थ्य प्रयोगशालाले ‘सी’ वर्गका स्वास्थ्य संस्थाको अनुमति दिन पाउनेछ । पोलिक्लीनिक सम्बन्धित जिल्लाको स्वास्थ्य कार्यालयले दिने व्यवस्था मिलाएको चुमानले बताए ।
‘अधिकार संघबाटै आएको हो । संविधानमा यति धेरै प्रष्ट थिएन । यसलाई क्लीयर गरेर आज प्रदेश क्याबिनेटबाट पास भयो,’ उनले भने, ‘अब यहीँबाट इजाजतपत्र र नवीकरण दिन्छ । यसका लागि काठमाडौं पुग्नुपर्दैन ।’ २ सय बेडभन्दा बढी क्षमताका अस्पताल भने संघ सरकारको इजाजत चाहिन्छ ।
बैठकले प्रदेशभित्रका दीर्घरोगी र विशिष्ट रोग लागेकाहरुलाई आर्थिक सहयोग गर्ने निर्णय गरेको छ । शनिबार बसेको मन्त्रिपरिषद् बैठकबाट ५२ जनालाई ३० हजारदेखि २ लाखसम्म आर्थिक सहायता दिने निर्णय भएको हो । यसरी सहयोग गर्दा २७ लाख हाराहारी निकासा जाने मन्त्री चुमानले जानकारी दिए । उनका अनुसार क्यान्सर, मुटुरोग लगायत बिरामीहरुलाई यो रकम उपलब्ध गराइने छ ।
गण्डकी प्रदेश विज्ञान तथा प्रविधि प्रतिष्ठानको कार्यकारी निर्देशकमा ३ जनाको नाम सिफारिस गरिएको छ । त्यसमध्ये १ जना निर्णय गर्न भनिएको छ । संक्रामक तथा सरुवा रोग अस्पतालमा कार्यकारी प्रमुख नियुक्तिका लागि पनि ३ जनाको नाम सिफारिस भएको छ ।
अर्को बैठकमा दुवै पदमा उपयुक्त उम्मेदवार नियुक्ति हुने मन्त्री चुमानको भनाइ छ ।
Related News
सम्बन्धित समाचार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
कतारी राजा नेपाल आउने दिन भोलि सार्वजनिक बिदा
गण्डकी सरकार विरुद्धको रिट सपना र सारंगाको बेन्चमा
hero news full width
मुख्य समाचार
मुग्लिन–पोखरा सडक विस्तार : म्याद सकियो, काम अधुरै
कास्कीका सहकारी पीडित एउटै मोर्चामा : बन्यो संयुक्त संघर्ष समिति
वैशाख १०, २०८१अधिकारी सरकारको भविष्य के होला ? सर्वाेच्चमा सुनुवाइ आज
वैशाख १०, २०८१कास्कीका सहकारी पीडित एउटै मोर्चामा, बन्यो संयुक्त संघर्ष समिति
वैशाख ९, २०८१मिटरमा जान नमान्ने ट्याक्सी फन्दामा
वैशाख ९, २०८१मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा
वैशाख ९, २०८१