पोखरा  ।  बालिका बलात्कार अभियोगमा पोखरामा एक युवक पक्राउ परेका छन् ।

पक्राउ पर्नेमा धादिङको त्रिपुरासुन्दरी गाउँपालिका वडा ४ घर भई हाल पोखरा १६, लामाचौर बस्ने २९ वर्षीय प्रकाश नेपाली हुन् ।

उनले गत मंसिर १३ गते घरमा कोही नभएको मौका पारी १३ वर्षीया बालिकालाई ललाइफकाई जबर्जस्ती करणी गरेको सूचना आधारमा प्रहरी फन्दामा परेका हुन् । उनलाई पोखरा महानगरपालिका वडा १६ बाटै पक्राउ गरिएको हो ।

कास्की जिल्ला अदालतबाट ७ दिन म्याद थप गरी अनुसन्धान प्रक्रिया अगाडि बढाइएको जिल्ला प्रहरी कार्यालय कास्कीका प्रवक्ता प्रहरी नायव उपरीक्षक (डीएसपी) सुवास हमालले जानकारी दिए ।