बेनीका विद्यालय आजदेखि खुल्दै

आदर्श समाज सम्वाददाता
मंसिर १४, २०७७
beni

म्याग्दी  । कोरोना महामारीका कारण बन्द भएका बेनी नगरपालिकाका निजी तथा सामुदायिक विद्यालय आइतबारदेखि खुल्ने भएका छन् ।

नगरपालिकाको ६१ औँ नगर कार्यपालिकाको बैठकले जनस्वास्थ्यका मापदण्डहरु पालना गरि विद्यालय सञ्चालन गर्न दिने निर्णय गरेको नगरपालिकाका प्रवक्ता रामकृष्ण बराइलीले जानकारी दिए ।

उनका अनुसार निजी तथा सामुदायिक विद्यालयका प्रधानाध्यापक, विद्यालय व्यवस्थापन समितिका अध्यक्षले विद्यालय खोल्न अनुमति मागेका थिए । सोही अनुसार नगरपालिकाले खोल्न दिन निर्णय गरेको हो ।

विद्यालयमा जनस्वास्थ्यको अक्षरसः पालना गर्ने र नगरको पाहिएमा विद्यालय नै जिम्मेवार रहने गरी विद्यालय सञ्चालन गर्न अनुमति दिएको नगरपालिकाका मेयर हरिकुमार श्रेष्ठले बताए । उनले शैक्षिक संस्थाहरु बन्द हुँदा चालू शैक्षिक सत्र नै प्रभावित बन्ने अवस्था आएको र विद्यार्थीहरुको पठनपाठनमा समेत असर पुगेकाले स्वास्थ्य मापदण्ड अपनाएर विद्यालय सुचारु गर्ने निर्णय गरेको जानकारी दिए ।

विद्यालय व्यवस्थापन समिति र शिक्षकको सहकार्यमा मास्क, सेनिटाइजर र भौतिक दूरी कायम गरेर मात्रै विद्यालय सञ्चालन गरिने छ ।

Related News

सम्बन्धित समाचार

hero news full width