हेमजा । सुइँखेत खोलाले दुःख दिइरहेपछि घरखेत जोगाउन भन्दै यतिबेला हेमजावासी खोला नियन्त्रणमा कसिएका छन्। जसअनुसार हाल खोलाको उत्तरी किनारमा तटबन्धसँगै ५ मिटर फराकिलो सडक निर्माण गरिएको छ ।

गण्डकी प्रदेश सरकारको ५० लाख रुपैयाँ अनुदान र जनसहभागिताबाट सो कार्य गरिएको हो । यस वर्ष १ सय ५० मिटर लम्बाईमा खोला नियन्त्रणको कार्य गरिने निर्माण समितिका अध्यक्ष शोभाकर भण्डारीले जानकारी दिए ।

विगतमा खोला आसपासको कैयौं हेक्टर खेतीयोग्य जमिन बगरमा परिणत गर्नुका साथै खोला नजिकैका घरहरुमा क्षति पु¥याउँदै आएको थियो ।

चौरासी नहरको मुहानदेखि अन्नपूर्ण नहरको मुहानसम्मको करिव ३ किलोमिटर क्षेत्रमा तटबन्ध निर्माण गरिएमा करिव २ सय हेक्टर खेतीयोग्य जमिन जोगिने र १ सय घरधुरी सुरक्षित हुने अनुमान छ । नियन्त्रणमा हाल दैनिक २५ मजदुर कार्यरत छन्।

विगत वर्षहरुमा पनि खोला नियन्त्रणका लागि २ सय २५ मिटर लम्बाईमा तटबन्धको कार्य भइसकेको थियो । वर्षैपिच्छे नियन्त्रणको कामले निरन्तरता पाउँदा स्थानीय भने खुसी देखिन्छन् ।