खानेपानीको मुख्यस्रोत मर्दीखोला र सेतीनदी किनारमै दाससंस्कार, शवदाहगृह प्रयोगविहीन

श्रीभद्र पौडेल
मंसिर ११, २०७७
ghat sati mirdi dovan

हेमजा, १० मंसिर। पोखरेलीको खानेपानीको मुख्यस्रोत मर्दीखोला र सेतीनदी किनारमा विगतमा शव अन्त्येष्टि गरिँदा पानी फोहोर हुने समस्या निम्तियो । खानेपानी फोहोर हुन नदिन २ वर्षअघि पोखरा उद्योग वाणिज्य संघको पहलमा सो स्थानमा शवदाहगृह निर्माण पनि भयो । तर, ती गृह छोडेर नदी किनारमै अन्त्येष्टि हुने गरेको पाइएको छ । जसका कारण मर्दीखोला र सेतीनदी किनारमा निर्माण गरिएका शवदाहगृह प्रयोगमा आएका छैनन्।

निर्माणयता गृहमा अन्त्येष्टि गरेको अहिलेसम्म आफूले नदेखेको सेतीमर्दी दोभानमा दशकदेखि मजदुरी गर्दै आएका टेकबहादुर तामाङले बताए ।

‘मानिसले बढी बुझेर वा नबुझेर के हो, शवको सतिगति गृहमा गर्ने गरेका छैनन् । यसको कडाईका साथ अनुगमन हुनु आवश्यक छ,’ तामाङले भने । साथै मलामीले घाटमा थप फोहोर गर्ने गरेको भन्दै उनले चिन्ता व्यक्त गरे ।

सेती र मर्दीखोलाका विभिन्न घाटमा त्यस क्षेत्रका धिताल, पुरन्चौर, लाहाचोक, घाचोक, रिभान, लवाङ्घलेल, धम्पुस, ढिकुरपोखरी, कास्कीकोट र हेमजावासीले शव अन्त्येष्टि गर्दछन् ।

त्यस्तै, माछापुच्छ्रे गाउँपालिकाका विभिन्न भेगमा चल्ने केही सवारी सम्बन्धित ठाउँमा पुल नहुँदा मर्दीखोलाबाटै गुडाउनुपर्ने बाध्यता छ । जसबाट पोखरेलीको खानेपानीको मुहान थप फोहोर हुने गरेको गुनासो बढ्न थालेको छ।

खानेपानी मुहान करिब ३ किमी माथि सार्नुपर्ने माग समेत गरिएको छ ।

Related News

सम्बन्धित समाचार

  • वर्षाले हिलाम्मे पोखरा प्रवेशमार्ग

    धनबहादुर गुरुङ चैत्र १६, २०८०
    पोखरा ।  पर्यटकीय राजधानी पोखरालाई संघीय राजधानी सहरसँग जोड्ने पृथ्वी राजमार्ग स्तरोन्तति कार्य जारी नै छ । आँबुखैरेनी–पोखरा करिब ८०…
  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…

hero news full width