Worldlink ads

सङ्घर्षमा कलमको कविता प्रतियोगिता

Avatar आदर्श समाज सम्वाददाता
मंसिर ३, २०७७
news photo

सङ्घर्षमा कलम साहित्य समाजले खुला कविता प्रतियोगिता सञ्चालन गरेको छ । संस्थाले वार्षिक कार्यक्रमलाई भौतिक रुपमा निरन्तरता दिन नपाएकाले भर्चूअल खुला कविता प्रतियोगिता आयोजना गरेको हो ।

वार्षिक स्रष्टा सम्मान अन्तर्गत १० शृङ्खलामा वाङ्मयिक साधक २० जना, १७ समाजसेवी र राष्ट्रसेवी सत्पात्रलाई संस्थाले सम्मान गरिसकेकोमा यस पटक उक्त सम्मान अर्पण गर्ने वातावरण नरहेकाले प्रतियोगिता आयोजना गरिएको संस्थाका महासचिव ओमकार लामिछाने बताउँछन् ।

प्रतियोगिताका सहभागीले कुनै माध्यमबाट प्रकाशन–प्रसारण नभएको बढीमा ३ सय शब्दको कविताको मौलिक भिडियोसँगै कविताको डिजिटल कपी, व्यक्तिगत विवरण, परिचय खुल्ने कागजको प्रतिलिपि र हालसालैको पासपोर्ट साइजको फोटो पठाउनुपर्ने जनाइएको छ ।

प्रारम्भिक छनौटमा परेका भिडियो संस्थाको आधिकारिक युट्यूब च्यानल ‘सक नेपाल’ मा अप्लोड गरिने र प्रतियोगितामा पहिलो, दोस्रो, तेस्रो हुनेलाई क्रमशः ११ हजार एक सय ११, ,, पाँच हजार पाँच सय ५५, तीन हजार तीन सय ३३ नगदसहित प्रमाणपत्र र बाँकीलाई उत्कृष्टताको प्रमाणपत्र प्राप्त हुने संस्थाका अध्यक्ष कृष्ण रानाभाट सारथिले जानकारी दिए ।

प्रतियोगिताका लागि मंसिर २५ गतेसम्म संस्थाको इमेल ठेगाना [email protected] जनाइएको छ ।

निर्णायकबाट माघ १ गते उत्कृष्ट १० कवि र माघ १० गते अन्तिम नतिजा घोषणा हुने संस्थाका उपाध्यक्ष पूर्ण नेपाली बताउँछन् ।

‘अन्तरमनका भावहरूको बन्न खोज्दै मलम, समावेशी आवाज हो यो सङ्घर्षमा कलम’ उद्घोषका साथ २०६५ सालदेखि नेपाली वाङ्मयको श्रीवृद्धिमा निरन्तर क्रियाशील सङ्घर्षमा कलमले संस्थाको मुखपत्रसहित विभिन्न साधकका दुई दर्जन बढी कृति प्रकाशन, चर्चा–परिचर्चा गरी सकेको छ ।

Related News

सम्बन्धित समाचार

    • नरोऊ मायालु…

      धनबहादुर गुरुङ धनबहादुर गुरुङ माघ १३, २०७७
      पोखरा । बाटुलेचौरको गन्धर्व वस्ती छेवैको एउटा एम्बुलेन्समा मधुर आवाजमा बजिरहेको थियो । ‘यो दाजुको मिर्मिरे आँखा, कस्तो मेरो बिगार्‍यो…
    • मिलन समीरलाई सुदीश निरौला स्मृति साहित्य पुरस्कार

      Avatar आदर्श समाज सम्वाददाता माघ १२, २०७७
      स्याङ्जा । पूर्वाञ्चल साहित्य प्रतिष्ठान विराटनगरले हरेक वर्ष समर्पण गर्दै आएको सुदीश निरौला स्मृति साहित्य पुरस्कार यस वर्ष स्याङ्जाका युवा साहित्यकार…
    • यो दाजुको मिरमिरे आँखा, कस्तो मेरो बिगार्‍यो दिमाख

      जमुना वर्षा शर्मा जमुना वर्षा शर्मा माघ १२, २०७७
      पोखरा । यो दाजुको मिरमिरे आँखा  कस्तो मेरो बिगार्‍ यो दिमाख नरोऊ मायालु… (गायक प्रवीण गुरुङ बिमाकुमारी दुरा, संगीत एवं…
    • कलाकार धनबहादुर गायककाे निधन

      Avatar आदर्श समाज सम्वाददाता माघ १२, २०७७
      पोखरा । सार‌ंगी संरक्षणका अभियन्ता, चर्चित गायक एव‌ं शब्द संकलक धनबहादुर गायककाे  साेमबार बिहान निधन भएकाे छ । खोलामा नुहाउने…
    • देवेन्द्रराज पाण्डेको नयाँ कृति ‘एक ज्यान दुई जुनी’

      Avatar आदर्श समाज सम्वाददाता माघ ११, २०७७
      काठमाडौं । नागरिक अगुवा, प्रखुर वक्ता एवं बौद्धिक व्यक्तित्व देवेन्द्रराज पाण्डेको आत्ममन्थन ‘एक ज्यान दुई जुनी’ लोकार्पण भएको छ ।…

    hero news full width

    sanil ads

    wordlink ads

    Recent Posts

    भर्खरै