स्व. सूर्यबहादुर केसीको स्मृतिमा श्रद्धाञ्जली सभा

आदर्श समाज सम्वाददाता
कार्तिक २९, २०७७
kalika

पोखरा, २८ कात्तिक । कालिका बुहुमुखी क्याम्पस, पोखराले क्याम्पसका संस्थापक अध्यक्ष तथा प्रतिनिधिसभाका सदस्य सूूर्यबहादुर केसीको शुक्रवार श्रद्धाञ्जली सभा गरेको छ ।
सहभागीहरु कालिका क्याम्पससहित समग्र पोखराकै शैक्षिक, सामाजिक, धार्मिक क्षेत्रमा केसीको पुुर्‍याएका योगदानबारे चर्चा गरेका थिए ।

२०४८ सालमा स्थापित कालिका बहुमुखी क्याम्पसको स्थापनाकालदेखि नै केसीले सञ्चालक समितिको नेतृत्व गर्दै आएका थिए । केसीले आफ्नै निजी खर्चमा करिब ३ करोडको लागतमा क्याम्पसको प्रशासनिक भवन तथा सभाकक्ष र पुस्तकालय निर्माण सुरु गरेका थिए । भवन अझै निर्माणाधीन अवस्थामा रहेको छ ।

स्व. केसीकी श्रीमती प्रेमकुमारी केसी, छोराहरु प्रकाश केसी, किरण केसी र रोशन केसी र भाइ शत्रुघन केसी, क्याम्पसको संरक्षक सिनेटरको रुपमा रहेका छन् ।

श्रद्धाञ्जली सभामा केसीको जीवनीबारे चर्चा गर्दै सञ्चालक समिति सदस्य अधिवक्ता वीरेन्द्र केसीले उनको हरेक क्षेत्रमा योगदान रहेको बताए ।

नेपाल पब्लिक क्याम्पस संघका केन्द्रीय सदस्य तथा जनप्रिय क्याम्पस प्रमुख विरञ्जी गौतमले कालिका क्याम्पसलाई क्यूएए मान्यताप्राप्त क्याम्पसको रुपमा विकास गरी विभिन्न शैक्षिक कार्यक्रमहरु थप गर्ने स्व. केसीको सपना रहेको बताउँदै क्याम्पस सञ्चालक समितिले उहाँको सपनालाई पूरा गर्नुपर्ने विचार व्यक्त गरे ।

सभामा पोखरा १० का वडाध्यक्ष एवं सञ्चालक समिति सदस्य राजकुमार गुरुङले स्व. केसीको अनुपस्थितिमा उनका परिवारका सदस्यहरुले क्याम्पसको नेतृत्व गर्नुपर्ने बताए ।

प्राध्यापकतर्फबाट बीरबहादुर बुढाथोकीले बोल्दै क्याम्पस स्थापना र सञ्चालनमा केसीको ठूलो योगदान रहेको चर्चा गरेका थिए ।

सञ्चालक समिति सदस्य भीमसेन थापाको अध्यक्षतामा भएको श्रद्धाञ्जली सभामा बोल्दै क्याम्पस प्रमुख रवीन्द्रनाथ बाँस्तोला, विद्यार्थी कल्याण समिति सदस्य समीक्षा चपाईले आफूले असल अभिभावक गुमाएको बताए ।
केसीको ६३ वर्षको उमेरमा गत कात्तिक १७ गते स्वर्गारोहण भएको थियो ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width