विश्वकप छनौट खेलमा अर्जेन्टिनाको बराबरी

आदर्श समाज सम्वाददाता
कार्तिक २८, २०७७
Argentina fc

पोखरा, २८ कार्तिक । विश्वकप २०२२ को छनौट खेलमा अर्जेन्टिना बराबरी खेलेको छ । नेपाली समय अनुसार आज विहान पाराग्वेसँग भएको खेलमा १–१ गोलसहित बराबरी खेल्दै अंक बाडेको हो ।

दक्षिण अमेरिकी राष्ट्र अर्जेन्टिनाले यसमअघि दुई खेल जितिसकेको थियो ।

खेलको २१ औं मिनेटमा पेनाल्टी क्षेत्रभित्र मिगुएल आल्मिरोनलाई लुकास मार्टिनेजले लडाएपछि रेफ्रीले पेनाल्टी दिएका थिए । पाराग्वेका एन्जल रोमेरोले पेनाल्टीमा सहज गोल गरेका थिए ।

खेलको ४१ औं मिनेटमा अर्जेन्टिनाले जिओभानी लो सेल्सोको कर्नरमा निकोलस गोन्जालेजले हेडरमार्फत बराबर गोल फर्काएका थिए । उनी पहिलो हाफको ३१ औं मिनेटमा एजेकेल पालासिओसको स्थानमा मैदान प्रवेश गरेका थिए ।

लियोनल मेस्सी, लौटेरो मार्टिनेज, एन्जेल डि मारिया लगायतका स्टार खेलाडीसहित मैदान उत्रेको अर्जेन्टिनाले बराबरी खेल्दा ३ खेलमा ७ जोड्दै पहिलो स्थानमा छ । २ खेल खेलेर ६ अंक सहित ब्राजिल दोश्रो स्थानमा छ । ब्राजिलले नेपाली समय अनुसार शनिबार विहान ६.१५ मा भेनेजुयलासँग खेल्दै छ ।

आजकै अर्काे खेलमा इक्वेडरले बोलिभियालाई ३–२ ले हराएको छ ।

Related News

सम्बन्धित समाचार

hero news full width