अवैध भरुवा बन्दुकसहित पक्राउ

Avatar तोलाकान्त बगाले
कार्तिक २३, २०७७
DPO Syangja

वालिङ, २३ कात्तिक । अवैध भरुवा बन्दुकसहित पक्राउ परेका एक व्यक्तिलाई प्रहरीले आईतबार सार्वजनिक गरेको छ । स्याङ्जाको बिरुवा गाउँपालिका २ बेसारडाँडाका भीमबहादुर गुरुङलाई पक्राउ गरिएको जिल्ला प्रहरी कार्यालय जनाएको छ ।

गुरुङको घरमा अवैध ईजाजत पत्रविनाको हातहतियार लुकाई छिपाई राखेको सूचनाका आधारमा प्रहरीले उनको घर गोठ खानतलासी गरेको थियो । सोक्रममा गोठमा काठको खलियामाथि घाँस तथा मकैको डाँठले लुकाई राखेको अवस्थामा एकनाले भरुवा बन्दुक फेला प्रहरी नायव स्याङ्जाका प्रहरी प्रवक्ता प्रनानी राजेन्द्रप्रसाद अधिकारीले बताए ।

भरुवा बन्दुकसँगै बन्दुकको नाल दुई थान, फलाम र शिसाको जस्तो देखिने छर्रा १२ थान, फलामको टुक्रा सानो तथा ठूलो गरी २३ थान, बारुद ५५ ग्राम फेला पारेको अधिकारीले बताए । बरामद सामनसहित पक्राउ परेका गुरुङलाई जिल्ला अदालत स्याङ्जाबाट ७ दिनको म्याद थप गरी अनुसन्धान थालिएको अधिकारीले जानकारी दिए ।

Related News

सम्बन्धित समाचार

    hero news full width

    sanil ads

    wordlink ads