बुटवल । राजसंस्था पुनःस्र्थापना माग गर्दै सोमबार बुटवलमा राजा समर्थक युवाले मोटरसाइकल र्याली प्रदर्शन गरेका छन् । देश र श्रीपेचको रक्षाको लागि भन्दै वीरगोर्खाली अभियानले बुटवल सहित तिलोत्तमा नगरपालिकाका विभिन्न स्थानमा मोटरसाइकल र्याली प्रदर्शन गरेको हो ।
तिलोत्तमा नगरपालिकाको मणिग्रामबाट सुरु र्यालीमा प्रदर्शनकारीले राष्ट्रिय झण्डा सहित पूर्व राजारानी (ज्ञानेन्द्र र कोमल शाह) को तस्वीर अंकित टिसर्ट लगाएका थिए । र्याली राजमार्ग हुँदै ट्राफिकचोक पुगेर सकिएको थियो । र्यालीमा सहभागीले ‘राजा आउ, देश बचाउ’ लगायतका नारा लगाएका थिए ।
र्यालीमा २ हजार मोटरसाइकल सहभागी भएको आयोजक समितिका सल्लाहकार शक्ति सापकोटाले दाबी गरे । राजसंस्थाको अन्त्यपछि रुपन्देही जिल्लामा भएको राजावादीहरुको प्रदर्शन अहिलेसम्मकै ठूलो रहेको प्रत्यक्षदर्शीले विश्लेषण गरेका छन् । र्यालीपछि ट्राफिकचोकमा आयोजना गरिएको कोणसभामा कार्यक्रम संयोजक वसन्तविक्रम पाण्डे, रुपन्देही संयोजक प्रवीण थापा, डिल्लीराज खनाल लगायतले राष्ट्रिय एकता र स्थीरताका लागि राजसंस्था र हिन्दू राष्ट्र पुनः स्थापना आवश्यक रहेको बताए ।
राजसंस्था पुनःस्थापनाको लागि देशव्यापी रुपमा अभियान सञ्चालन गर्ने बताउँदै उनीहरुले दलको नेतृत्व असफल भएकोले राष्ट्रियताको रक्षा र भ्रष्टाचार निवारणका लागि पनि राजसंस्था पुनस्र्थापना अनिवार्य रहेको बताएका थिए ।
कार्यक्रममा शिवसेना नेपाल नामक राजवादी संस्थाको समेत सहभागिता रहेको थियो । प्रदर्शनमा विगतमा
ग्रेस तथा कम्युनिष्टमा लागेका युवाको पनि सहभागिता देखिन्थ्यो । र्यालीमा सहभागीहरुले राजनितिक दलहरुको क्रियाकलापका कारण जनताले राजा नै ठिक भएको भन्ने अवस्थामा पुगेको बताए ।
पूर्वराजा ज्ञानेन्द्र गत वर्ष पनि एक हप्ता रुपन्देहीमा बसेर आसपासका शक्तिपीठहरुमा घुमेका थिए ।
Related News
सम्बन्धित समाचार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
कतारी राजा नेपाल आउने दिन भोलि सार्वजनिक बिदा
गण्डकी सरकार विरुद्धको रिट सपना र सारंगाको बेन्चमा
hero news full width
मुख्य समाचार
मुग्लिन–पोखरा सडक विस्तार : म्याद सकियो, काम अधुरै
कास्कीका सहकारी पीडित एउटै मोर्चामा : बन्यो संयुक्त संघर्ष समिति
वैशाख १०, २०८१अधिकारी सरकारको भविष्य के होला ? सर्वाेच्चमा सुनुवाइ आज
वैशाख १०, २०८१कास्कीका सहकारी पीडित एउटै मोर्चामा, बन्यो संयुक्त संघर्ष समिति
वैशाख ९, २०८१मिटरमा जान नमान्ने ट्याक्सी फन्दामा
वैशाख ९, २०८१मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा
वैशाख ९, २०८१