किसानलाई खेतबारीमै चटारो

सविन लामिछाने
कार्तिक १७, २०७७
FB_IMG_1601988578140

तनहुँ । कोरोनाले लखेटिएका किसानहरु यतिबेला खेतबारीमा ब्यस्त छन् । बर्खामा लगाएको बाली भित्र्याउन उनीहरुलाई भ्याई नभ्याई छ । केहिले धान काटिरहेका छन् भने केहि धान भित्र्याएर गहुँ छरिसकेका छन् । वर्षाले साथ दिएपछि यसपाला बेलैमा रोपाईं भएको थियो । अधिकांश किसानले तीनबाली हुने खेतको धान दशैँ अगावै भित्राइसकेका छन् । ती खेतमा छिटो पाक्ने धान लगाइन्छ । दुई बालीको खेतमा भने अलि ढिलो गरी पाक्छ ।

यसपालि चाडबाड केहि पछि सरेकाले कामको मेलो पनि सँगै भएको किसानहरु बताउँछन् । धानमा टप ड्रेसिङ्ग गर्ने बेलामा यूरिया मल नपाएपछि धान फल्दैन की भन्ने चिन्ता किसानलाई थियो । अनुदानको मल नपाएपनि किसानले बजारबाट महंगो मुल्यमा मल किनेर धानमा छरे । यसपालिको उत्पादन उत्साहजनक रहेको किसानहरुले बताए ।

धान खेती गर्न किसानलाई महिना दिन लाग्थ्यो । भित्र्याउन उस्तै जुलुम हुन्थ्यो । अहिले भने किसानलाई धान भित्र्याउन प्रविधिले सजिलो बनाइदिएको छ । ‘पहिला गोरुले खेत जोत्नुपथ्र्यो । दुई महिना हिलोमै बित्थ्यो । तर, अहिले ट्रयाक्टरले जोत्दा एक हप्तामै खेती सकिन्छ,’ भानु ५ का किसान मनिलाल श्रेष्ठले भने, ‘धान भित्र्याउन पनि सजिलो भएको छ । थ्रेसरले खेतमै धान–पराल छुट्याउँछ । धान दाउन महिना दिन लाग्थ्यो । थ्रेसरले एक–आधा घण्टामा भ्याईदिन्छ ।’ कृषिमा यान्त्रीकरण भित्रिएपछि खेती प्रणालीमा पनि परिवर्तन भएको छ ।

गाउँ घरमा सहज रुपमा थ्रेसर पाइन्छ । घण्टाको दुई हजार रुपैयाँमा थ्रेसरले धान दाउने गर्छ । एक बिगाह खेतको धान दाउन एकदेखि डेढ घण्टासम्म लाग्छ । ‘गाउँमा ट्रयाक्टर हुनेले थ्रेसर मेसिन पनि किनेका छन् । अहिले धान दाउन भ्याई नभ्याई छ,’ ट्रयाक्टर चालक सुनिल चौधरीले भने, ‘दिनरात धान दाउने काम चलिरहेको छ । यो सिजन पनि हो ।’

तनहँु जिल्लामा धान खेती हुने क्षेत्र बढेको छ । यस वर्ष धान उत्पादन बढ्ने प्रक्षेपण गरिएको छ । गत बर्ष १२ हजार हेक्टर क्षेत्रफलमा धान खेती भएको थियो । गत वर्ष एक लाख ४७ हजार मेट्रिक टन धान उत्पादन भएको थियो । यस वर्ष कोभिडको कारणले धान खेती हुने क्षेत्र बढेको हो । १२ हजार ४ सय हेक्टर जग्गामा धान खेती भएको कृषि ज्ञान केन्द्रका प्रमुख कुलप्रसाद तिवारीले जानकारी दिए । अहिले ४८ हजार मेट्रिकटन धान उत्पादन हुने अनुमान गरिएको छ ।

‘समयमा पानी पर्‍यो । रोग किराको कन्ट्रोल भयो । चाँडै रोपाई पनि भयो’ केन्द्र प्रमुख तिवारीले भने, ‘धान उत्पादन बढ्ने अनुमान गरेका छौँ ।’ गण्डकी प्रदेशमै अहिले धान उत्पादन उत्साहजनक हुने अनुमान छ ।

Related News

सम्बन्धित समाचार

    • विवेकशील साझाको कृषि अभियान

      आदर्श समाज सम्वाददाता जेठ ३१, २०७८
      स्याङ्जा  । स्याङ्जामा विवेकशील साझा कृषि अभियान सुरु भएको छ । कोरोना माहामारीले रोजगारी गुमाएका तथा स्वरोजगार बन्न इच्छुक दशौं…
    • वालिङमा बंगुर पकेट क्षेत्र

      तोलाकान्त बगाले जेठ ३०, २०७८
      वालिङ । वालिङ नगरपालिकाले बंगुरपालनको सम्भावना भएका ३ ठाउँलाई पकेट क्षेत्र घोषणा गरिएको छ । प्रधानमन्त्री कृषि आधुनिकीकरण परियोजना बंगुर…
    • जसले मुस्ताङका स्याउ चिनाए …

      सुशील बाबु थकाली जेठ २९, २०७८
      मुस्ताङ । मुस्ताङ जिल्लामा स्याउको जन्मदाताको रूपमा परिचित बुद्धिरत्न शेरचनको निधन भएको छ । बिहीबार साँझ पौने ९ बजे शेरचनको…
    • लकडाउनले दूध बिकेन, दूध गाईंभैंसीलाई खुवाउन वाध्य छन् किसान

      श्रीभद्र पौडेल जेठ २७, २०७८
      हेमजा ।  कास्कीको ढिकुरपोखरी पछिल्लो समय दुधगाउँको रुपमा परिचित छ । यहाँका अधिकांश मानिस दुध बिक्री वितरण गर्दछन् । तर…
    • किसानले दूधको भुक्तानी पाएनन्

      आदर्श समाज सम्वाददाता जेठ २३, २०७८
      बागलुङ । दूधको भुक्तानी रोकिएपछि बागलुङको बलेवा र कुश्मीशेरा क्षेत्रका किसान मर्कामा परेका छन् । बागलुङ नगरपालिकाको अमलाचौर, नारायणस्थान र…

    hero news full width

    sanil ads

    wordlink ads

    trending post

    ट्रेन्डिङ्ग