सडक बालबालिकासँगैको दशैं

Avatar आदर्श समाज सम्वाददाता
कार्तिक १४, २०७७
CHILDREN NEPAL

टिका र जमरा लगाउदै चिल्ड्रेन–नेपालका संस्थापक अध्यक्ष एबम कार्यकारी निर्देशक रामचन्द्र पौडेल

पोखरा, १४ कार्तिक । अन्नपुर्ण गाँउपालिका –१ लेवाडे स्थित चिल्ड्रेन–नेपालको फुलबारी स्रोत केन्द्रमा राखिएका सडक बालबालिकाहरुसँगै संस्थाका संस्थापक अध्यक्ष एबम कार्यकारी निर्देशक रामचन्द्र पौडेलले टीका र जमरा लगाई दशैं मनाए।

२०७६ चैतमा बिश्व महामारीको रुपमा फैलिएको कोभिड १९ बाट सुरक्षित गर्ने उद्धेश्य सहित पोखरा महानगरपालिकाका प्रमुख मान बहादुर जि.सी. को अगुवाईमा पोखराका सडकबाट बालबालिकाहरुको उद्धार गरि केन्द्रमा राखिएको थियो ।

सडक संस्कृतिबाट पारिवारिक र सामाजिक सुसंस्कृत रुपले रुपान्तरित हुदैँ गएका सडक बालबालिकाहरुलाई टिका र जमरा लगाउँदै संस्थाका संस्थापक अध्यक्ष एबम कार्यकारी निर्देशक रामचन्द्र पौडेलले नेपालीहरुको महान पर्ब बिजया दशमीको अवसरमा संस्कार र संस्कृतिको जगेर्ना गर्ने कुरा बताउदै बिजया दशमीको महत्व माथि प्रकाश पारे ।

बिशेष गरी आफ्नो ख्याल र अरुको सम्मान गर्न सकेमा स्वतः अगाडी बढ्नको लागी उर्जा आउने कुरामा जोड दिदैं यस पर्बले असल कुरा सिक्दै सहि मार्गमा हिड्न बालबालिकाहरुलाई प्रेरित गरोस् भन्दै शुभकामना दिए।

टिका र जमरा लगाए पश्चात बालबालिकाहरुले खुशी हुँदै घर परिबारको सम्झना मेटाइदिएकाेमा धन्यबाद दिए भने परिस्थितीले बाटो बिराए पनि आगामी बर्षको बिजया दशमी घरपरिबार सँग बसेर मनाउने कुरा बताए।

१८ जना बालबालिकाहरु मध्ये ७ जनाको परिवार पुनर्मिलन गराई सकिएको र अन्यको पनि परिवार वा समुदायको खोजी भईरहेको चिल्ड्रेन–नेपालले जनाएकाे छ। साथै पोखराका सडकमा रहेका बालबालिकाको उद्धार गरि केन्द्रमा लैजानकाम पनि भईरहेको चिल्ड्रेन–नेपालले बताएकाे छ।

कार्यक्रममा चिल्ड्रेन–नेपालका सह–संयोजक रमेश सुबेदी र केन्द्रका सुरक्षाकर्मी प्रकास बोहराले पनि बालबालिकाहरुलाई बिजया दशमीको शुभकामना आदान प्रदान गरेका थिए।

Related News

सम्बन्धित समाचार

    • प्रजातन्त्र सेनानी दयाप्रसाद मर्सानीको निधन

      Avatar आदर्श समाज सम्वाददाता फागुन २५, २०७७
      पोखरा । विसं २००७ का प्राजातान्त्रिक आन्दोलनका योद्धा प्रजातन्त्र सेनानी दयाप्रसाद मर्सानीको निधन भएको छ । विसं १९९० चैत ३ गते…
    • शिवमायालाई ललित गौचन समाजसेवा सम्मान

      Avatar आदर्श समाज सम्वाददाता फागुन २३, २०७७
      पोखरा । नागरिक समाज कास्कीद्वारा सञ्चालित ललित गौचन स्मृति समाजसेवा सम्मान–२०७७ सामाजिक अभियन्ता शिवमाया श्रेष्ठलाई प्रदान गरिएको छ । कास्कीका…
    • हाजिरीजवाफमा चिल्ड्रेन्स एकेडेमी प्रथम

      Avatar आदर्श समाज सम्वाददाता फागुन २३, २०७७
      पोखरा । नेशनल प्याव्सन कास्कीले आयोजना गरेको अन्तरविद्यालयस्तरीय हाजिरीजवाफ प्रतियोगितामा चिल्ड्रेन्स एकेडेमी प्रथम भएको छ । प्रतियोगितामा चिल्ड्रेन्स एकेडेमीकी ममता…
    • फेवाताल पुर्ने गतिविधि तत्काल रोक्न माग

      Avatar आदर्श समाज सम्वाददाता फागुन २३, २०७७
      पोखरा । पोखरा–१८, गैह्राको चौतारामा पानीको सतह घटेसँगै फेवाताल पुर्ने गतिविधि भइरहेकाले पोखराका विभिन्न सरोकारवाला संघसंस्थाको ध्यानाकर्षण भएको छ ।…
    • मुद्दा मिलाउने भन्दै १ करोड माग्ने पक्राउ

      Avatar आदर्श समाज सम्वाददाता फागुन २२, २०७७
      पोखरा, २२ फागुन । एक करोड दिए जवरजस्ती करणी मुद्दाका प्रतिवादीलाई छुटाइदिने भनी रकम ठगी गर्ने दुई व्यक्तिलाई कास्की प्रहरीले…

    hero news full width

    sanil ads

    wordlink ads