वृद्धाश्रममा न्यानो कपडा वितरण

सविन लामिछाने
कार्तिक १४, २०७७
received_384643929244543

तनहूँ, १४ कार्तिक । लियो क्लब अफ तनहूँले व्यास ५ पराशरमा रहेको जेष्ठ नागरिक चौतारी वृद्धाश्रममा जाडोका लागि न्यानो कपडा वितरण गरेको छ । क्लबको १३ औं चार्टर डेको अवसरमा आश्रममा रहेका वृद्धवृद्धाहरुको लागि १५ थान न्यानो कपडा वितरण गरेका हुन्।

क्लबका अध्यक्ष प्रवेश पोख्ररेलले आश्रम सञ्चालक समितिका उपाध्यक्ष बलबहादुर रानाभाटलाई न्यानो कपडा हस्तान्तरण गरे । क्लबका अध्यक्ष पोख्ररेलले समाजका असहायका लागि लियोले गरेको यस कार्यक्रमले थोरै भए पनि दुखमा मल्हम लगाएको बताए। उनले भने, ‘क्लबको १३ औं चार्टर डेको अवसरमा वृद्धवृद्धालाई जाडोबाट बच्नको लागि न्यानो कपडा वितरण गरेका हौं।’ उनले थपे, ‘ चिसो मौसमका कारण वृद्धवृद्धालाई प्रतिकूल असरबाट जोगाउन न्यानो कपडा वितरण गरिएको हौं।’

क्लबले विगतमा पनि विभिन्न सामाजिक कार्यहरु गदै आईरहेको पनि उनले बताए ।  यस्तै आश्रमका समितिका उपाध्यक्ष रानाभाटले  लियोले गरेको सहयोगको  धन्यवाद दिँदै आगामी कार्यक्रमको सफलताको लागि शुभकामना दिए। उनले भने,‘जाडो लाग्न सुरु भएको छ । अब न्यानो कपडाको पनि आवश्यक परेको बेलामा लियोले सहयोग गर्यो।’

उक्त आश्रममा १३ जना वृद्धवृद्धाहरु बसोबास गदै आईरहेको उनले बताए । दाताको भरमा चलेको आश्रममा विभिन्न संघसंस्थाहरुबाट पनि सहयोग आईरहेको उनले बताए ।  उक्त कार्यक्रममा क्लबका प्रथम उपाध्यक्ष सुनिल मिश्र, तृतिय उपाध्यक्ष बसन्ती थापा, कोषाध्यक्ष  रोविन श्रेष्ठ लगायतको उपस्थिती रहेको थियो ।

Related News

सम्बन्धित समाचार

    hero news full width

    sanil ads

    wordlink ads

    trending post

    ट्रेन्डिङ्ग