तनहुँ, ७ कार्तिक । मनोमानी ढंगबाट यात्रुसँग चर्को भाडा लिने पृथ्वीराजमार्ग अन्तरगत चल्ने सवारीहरुलाई कार्वाही गरिएको छ । यात्रुको गुनासो आएपछि गरिएको जाँचमा सवारीमाथि कार्वाहरी गरिएको जिल्ला प्रहरी कार्यालय तनहुँका प्रहरी प्रमुख अरुण पौडेलले बताए ।

राजमार्ग अन्तरगत चल्ने मिनीबस, माईक्रो बस, कार, जिप, ट्याक्सीहरुले अत्यधिक मनोमानी दंगले यात्रुहरुसग भाडा लिन थालेपछि चालक तथा सहचालकहरुलाई कार्वाही गर्न नियन्त्रणमा लिएको पौडेलले बताए ।

कोरोना संक्रमणबाट बँच्न सवारी चालक–सहचालक तथा यात्रुहरुले स्वास्थ्य सुरक्षाका सावधानी अपनाए नअपनाएको, सरकारले तोकेको भाडादर लिए नलिएको, टिकटअनुसार सुविधा दिए नदिएको लगायतका विषयमा अनुगमन र निरीक्षण गरिएको प्रहरी प्रमुख पौडेलले जानकारी दिए ।

उनले सवारीसाधनमा यात्रुहरुसँग विभिन्न जानकारी लिएका थिए भने सावधानीका उपायहरुबा बारेमा जानकारी दिए ।

पृथ्वीराजमार्ग बस सञ्चालक समिति र जिल्ला ट्राफिक प्रहरीका प्रहरी प्रमुख रेशमबहादुर रानाभाट लगायतको उपस्थितिमा सवारीसाधन र यात्रुहरूको निरीक्षण गरिएको थियोे ।