पोखरा । २ बर्षअघि सर्वोच्च अदालतले फेवाताल संरक्षण र अतिक्रमण रोक्नका लागि पोखरा महानगरपालिका सहित तीनवटै सरकारका नाममा कार्यजिम्मेवारी दिएर फैसला ग¥यो । सर्वोच्चको फैसला अनुसार सरसफाईको काम महानगरको जिम्मामा छ भने सीमा निर्धारणको जिम्मेवारी प्रदेश सरकारलाई छ । अतिक्रमित भनिएका घरटहरा हटाउने जिम्मा तीनवटै सरकारलाई दिईएको छ । बर्षेनी मानवीय र प्राकृतिक अतिक्रमणले ताल साँघुरिँदै गएपछि यसको संरक्षणको माग सहित सर्वोच्चमा मुद्धा परेको थियो । एकबर्षभित्रको म्याद तोकेर काम गर्न फैसला सुनाईएकोमा कुनैपनि सरकारले फैसला अनुसार काम गरेनन् । अहिले तीनवटै सरकारलाई मानहानीको मुद्धा छ । तथापी देखिने गरी काम गर्न सकेका छैनन् । अघिल्लो बर्ष तालमा डाँडाबाट बगेर आउने गेग्रान रोक्नका लागि ४ वटा ठूला सिल्ट्रेसन ड्याम बनाईएको छ । महानगर र प्रदेश सरकारको बराबर लगानीमा ड्याम बनाईएको हो । ३४ करोड लागत लगाएर बनाईएको ड्याम गुणस्तरीय नभएपछि केहि भत्कियो ।
त्यसपछि पोखरा महानगरपालिकाले प्रारम्भीक प्रतिबेदन बनाउँदै करिब ५ सय घर टहरा भत्काउनुपर्ने सुझाव दिएको छ । यीमध्ये २४५ वटा संरचना स्थायी छन् भने बाँकी २४८ संरचनाहरु अस्थायी छन् । ३५ र ६५ मिटर मापदण्डको छुट्टाछुट्टै प्रतिवेदन बनाएर प्रधानमन्त्री केपी शर्मा ओलीलाई प्रतिवेदन बुझाएको हो । महानगरले प्रारम्भीक प्रतिवेदन बुझाएको महिना दिन भित्रै प्रदेश सरकारले सीमांकन गर्न समिति गठन गरेको छ । तत्कालीन जिल्ला विकास समितिका सभापति पुण्य पौडेलको संयोजकत्वमा समिति गठन गरिएको हो । यही समितिले सीमांकन गरेपछि त्यहाँभित्रको संरचना महानगरले हटाउने छ । महानगरले २०७४ को पुस, माघ र फागुन महिनाको पानीको सतहलाई आधार मानेर ६५ मिटरको मापदण्ड लागू गर्न सकिने सुझाव दिएको छ । त्यही सतहलाई आधार मान्दा १ हजार २ सय ८० रोपनी जग्गा ब्यक्तिको लालपुर्जाभित्र पर्छ । ३५ मिटर लागु हुँदा ५ सय ९९ रोपनी र ३० मिटरमा ५ सय ३ रोपनी जग्गा पर्ने देखिन्छ ।
सीमा निर्धारण समितिका सदस्यहरुमा पोखरा महानगरपालिकाका प्रमुख, डिभिजन वन कार्यालयका प्रमुख, राष्ट्यि ताल संरक्षण समितिका सदस्य, नापी विभागका उपसचिव तथा नापी कार्यालय कास्कीका प्रमुख सदस्य सचिव रहनेछन् । फेवातालको चारकिल्ला निर्धारण, सीमांकन तथा नक्सांकन समिति बनाएर काम अगाडि बढाएको प्रदेश सरकारका प्रवक्ता तथा भौतिक पूर्वाधार विकासमन्त्री रामशरण बस्नेतले जानकारी दिए । पोखरा महानगरले नापी कार्यालय कास्कीसँगको प्राविधिक सहयोगमा प्रारम्भीक प्रतिवेदन बनाएर ४ सय ९३ घर टहरा भत्काउनुपर्ने निष्कर्ष निकालेको हो । प्रतिवेदन अनुसार मालपोतको मुल्यांकन अनुसार न्यूनतम १० अर्व भन्दा बढी मुआब्जाको रकम बुझाउनुपर्छ भने चलनचल्तीको रकम दिए ३४ अर्व लागत अनुमान गरिएको छ ।
यता सरोकार समितिका संयोजक नवीन बरालले तालको मापदण्डका नाममा जग्गाधनीलाई सुकुम्बासी बनाउन लागिएको आरोप लगाए । ‘कसैले जग्गा मिचेका छैनन् । बरु तालले हाम्रा जग्गाको अतिक्रमण गरेको छ,’ उनले भने, ‘ताल संरक्षणका नाममा जग्गाधनीलाई सुकुम्बासी बनाउन मिल्दैन । यसको कडा प्रतिरोध गर्छौं ।’ चलनचल्तीको मुआब्जा वा जग्गाको सट्टा जग्गा नै दिए तालको परियोजनामा कुनै अवरोध नगर्ने उनको भनाई छ । ‘विकास सबैलाई चाहिन्छ । फेवा सबैको गहना हो । यसको विस्तार र विकासमा हामी कुनै अवरोध गर्दैनौं,’ उनले थपे, ‘तर सुकुम्बासी भएर जग्गादान गर्न सकिँदैन । सरकारले बेलैमा यो सोचोस् ।’
नव नियुक्त संयोजक पौडेलले पूराना नक्साका आधारमा उपयुक्त सीमांकन गरिने बताए । ‘सर्भेयर लगाएर पूराना नक्साका आधारमा उपयुक्त खालको सिमांकन गर्छौं । त्यसपछि फजुल दर्ता भएका र हक अधिकार पाएर दर्ता गरिएका जग्गा छुट्याउँछौं,’ उनले भने, ‘मापदण्डका बारेमा अहिले नै निर्णय लिन सकिँदैन । सर्बपक्षीय सुझावका आधारमा निर्णय हुन्छ ।’ उनले २०५८ सालभन्दा अघिको तालको आकारलाई समात्नुपर्ने बताए । उनी सभापति भएकै बेला तालको आकार ४.२५ बर्गकिलोमिटर कायम गरिएको थियो । ‘पुख्र्यौली जग्गा भएकाको ब्यवस्था सरकारले गर्नुपर्नछ । २० बर्षअघिको भन्दा ठूलो ताल बनाउनुप¥यो नि,’ उनले अघि थपे, ‘ताल पुरिएर खेत बनाएका छन् । त्यसको खोजी गरेर फेवालाई नयाँ स्वरुप दिन सरकारले कठोर कदम चाल्नुपर्छ ।’ उनले दशैं लगत्तै काम थाल्ने जानकारी दिए ।
Related News
सम्बन्धित समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
hero news full width
मुख्य समाचार
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१