रुपन्देहीमा एकैदिन तीन जना संक्रमितको मृत्यु

Avatar आदर्श समाज सम्वाददाता
कार्तिक ५, २०७७

बुटवल ५ कार्तिक । कोरोना भाईरसका कारण रुपन्देहीमा एकै दिन तीन जनाको मृत्यु भएको छ । उनीहरु मध्ये दुई जना बुटवलको कोभिड अस्पतालमा र एक जनाको होम आईसोलेसनमा मृत्यु भएको हो ।

बुटवल उपमहानगरपालिका–११ देवीनगरका ४७ वर्षीय पुरुष र बुटवल–१७ मोतीपुरका ८१ वर्षीय पुरुषको बुधवार विहानै मृत्यु भएको अस्पतालका सूचना अधिकारी डा. विष्णु गौतमले जानकारी दिए ।

असोज २४ गते कोरोना पोजिटिभ देखिएपछि अस्पताल भर्ना भएका देवीनगरका ४७ वर्षीय पुरुषको १ बजे नै मृत्यु भएको हो । त्यस्तै, असोज २७ गते पोजिटिभ भई अस्पताल ल्याइएका बुटवलकै मोतीपुरका ८१ वर्षीय पुरुषको बुधबार बिहान ५ बजे मृत्यु भएको सूचना अधिकारी गौतमले बताए । दुवै बिरामीको भेन्टिलेटरमा राखेर उपचार भैरहेको थियो ।

यस्तै, रुपन्देहीको तिलोत्तमामा एक कोरोना संक्रमित पुरुषको मृत्यु भएको छ । तिलोत्तमा वडा न २ निवासी ४७ बर्षीय पुरुषको मृत्यु भएको हो । उनी लामो समयदेखि स्वासप्रस्वास, प्रेसरको समस्यामा थिए । उनको होम आइसोलेसनमै मृत्यु भएको क्रिमसन अस्पतालले जानकारी दिए । आफन्तले बुधबार विहानै अस्पताल ल्याउँदै गर्दा उनको मृत्यु भैसकेको अस्पतालका सूचना अधिकारी शेखर पोख्रेलले जानकारी दिए । उनको शव अहिले सोहि अस्पतालमा राखिएको छ ।

रुपन्देहीमा कोरोना संक्रमितको संख्या ५ हजार भन्दा वढि भएको छ । स्वास्थ्य कार्यालय रुपन्देहीका भेक्टर कन्ट्रोलर केदारनाथ शाहले जिल्लामा संक्रमितको संख्या ५ हजार १ सय ६० जना रहेका छन् । त्यस मध्ये संक्रिय संक्रमितको संख्या २ हजार १ सय ४१ जना रहेका छन् । कोरोनाकै कारण रुपन्देहीमा ५६ जनाको मृत्यु भैसकेको छ । जिल्लामा संक्रमितको उपचारका लागि अस्पतालमा वेड समेत उपलव्ध नभएपछि विरामीहरुको विजोग हुन थालेको छ ।

अहिले शवलाइ सोहि अस्पतालमा राखिएको परिवारजनले जनाएका छन् ।