बजारमा दमका औषधी अभाव

आदर्श समाज सम्वाददाता
कार्तिक ३, २०७७

पोखरा । पोखरामा दमका विरामीले प्रयोग गर्ने औषधी अभाव हुन थालेको छ । कोरोना संकटलाई देखाएर कम्पनीले नपठाएपछि विरामीले पर्याप्त औषधी नपाएका हुन् । आस्थालिन इन्लर र एराकोड इन्लरको बढी अभाव देखिएको अस्पतालहरुले जनाएका छन् । ‘दुवै औषधी दमको लागि चाहिन्छ । कोरोनाको बेला दमका रोगी बढी समस्यामा छन्,’ अन्नपूर्ण अस्पतालका सन्तोष पाण्डे भन्छन्, ‘माग अनुसार आयात नहुँदा उपचार गर्न समस्या परेको छ । विरामीले मागेका औषधी दिन पाएका छैनौं ।’ उनका अनुसार टिटी खोप समेत अभाव छ ।

‘टिटी सुई कतै छैन । खोज्दा पनि पाईंदैन । विरामी आए भने छैन भनेर फर्काउन थालेको छु,’ चाउथे स्थित तेजस्वी फार्मेसीका सञ्चालक डोलराज पोखरेलले भने, ‘विरामी अस्पताल जाने वित्तिकै लगाउने सुई टिटी हो । महिनादिन अघिदेखि सुई छैन ।’ औषधी अभावका कारण उपचारका लागि आएका विरामी समेत त्यसै फर्किन बाध्य छन् ।

पछिल्लो तीन महिनादेखि यि औषधीहरुको आयात घटेको पोखरामा औषधीको होलसेल ब्यापार गर्ने रुसा फर्मा इन्टरप्राईजेज सञ्चालक हरि दाहालले बताए । ‘अहिलेसम्म स्टकले जेनतेन काम चलिरहेको छ । अझैपनि आएन भने चरम अभाव हुन्छ,’ उनले भने, ‘हामीले २ हजार औषधीको माग पठाउछौं, उताबाट २ सय औषधी आउँछ ।’ कम्पनीले कोरोनालाई देखाएर कम औषधी पठाएको उनको भनाई छ । ‘कम आयातको कारण कम्पनीले भनेको छैन । पर्याप्त मात्रामा सप्लाई छैन,’ उनी भन्छन्, ‘मेनपावर नभए कम उत्पादन भएको सुनेका छौं । १ महिनापछि पर्याप्त आयात हुने आश्वासन दिएका छन् ।’

पोखराका ब्यापारीहरुले कास्की सहित, स्याङजा, पर्वत, म्याग्दी, बागलुङ, मुस्ताङ, तनहुँ, गोरखासम्म औषधी सप्लाई गर्छन् । यहाँ १० भन्दा बढी सप्लायरहरु छन् । एउटै मात्र कम्पनीको औषधी आउने भएकोले बढी अभाव देखिएको दाहालको भनाई छ । ‘दमका औषधी सिप्लाले मात्रै पठाउँछ । टिटी सुई पनि विई कम्पनीको मात्रै छ,’ उनले भने, ‘धेरै कम्पनीको औषधी आए यस्तो अभाव खेप्नु पर्थेन ।’ दुवै औषधी भारतीय कम्पनीले उत्पादन गर्ने हुन् । औषधी अभाव भएपछि विरामीलाई धेरै स्टक औषधी नदिन अस्पतालसँग उनीहरुको आग्रह गरेका छन् ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width