लेखनाथ । पोखरा महागरपालिका वडा नं २६ स्थित खाष्टेताल मत्स्य तथा कृषि सहकारीको चौथो बार्षिक साधारण सभा तथा दास्रो अधिवेशन शनिबार सम्पन्न भएको छ । अधिवेशनले आगामी कार्यकालका लागि पुनः हरिप्रसाद अधिकारीको अध्यक्षमा नयाँ कार्यसमिति चयन गरेको छ ।

संस्थाले खाष्टेताल र न्यूरेनीतालको संरक्षण गरि आयआर्जनका लागि माछापालन गर्दै आएको छ ।

सर्वसम्वत रुपमा चयन भएको समितिको उपाध्यक्षमा शान्ति पौडेल, सचिवमा नवराज ढुगाना, कोषाध्यक्षमा डिल्लीराम लामिछाने र सदस्यहरुमा हेमराज वराल, रमेशराज पौडेल, शिवराज तिमिल्सेना, वीरेन्द्र भण्डारी, सरस्वती भण्डारी वराल, कल्पना भण्डारी र सुमन ढुंगाना रहेका छन् । त्यस्तै, लेखा समितिको संयोजकमा हरिश्चन्द्र तिमिल्सेना, योगेन्द्र बराल र विकास ढुंगाना रहेका छन् ।

यस अघि कार्यक्रमको उद्घाटन गर्दै पोखरा महानगरपालिका वडा नं २६ का वडाअध्यक्ष नारायण प्रसाद बरालले प्रकृतिक स्रोतका रुपमा रहेका तालतलैयाको संरक्षण गर्दै स्थानीय उपभोक्ताको आय आर्जन र रोजगारी सृजनामा सहकारीले खेलेको भूमिका महत्वपुर्ण भएको बताए ।

सोही अवसरमा जिल्ला सहकारी संघ कास्कीका महासचिव छविलाल लामिछानेले सहकारीहरुले बजारमा रहेको माछाको अभावलाई हटाउन भूमिका खेल्नुपर्नेमा जोड दिए ।

निर्वाचन मण्डलका संयोजक राममणि ढुगानाले सहकारीको मर्म र भावना आनुसार सहकारीहरु चल्ने हो भने आयतित वस्तुलाई विस्थापित गराउन सकिने बिचार राखेका थिए ।

सस्थाका अध्यक्ष हरिप्रसाद अधिकारीको अध्यक्षतामा भएको कार्यक्रममा स्वागत मन्तव्य उपाध्यक्ष शान्ति पौडेलले गरेकी थिईन् भने कार्यक्रम संचालन सचिव श्रीभद्र करालले गरेका थिए ।

संबृद्धिका लागि तालको विकास भन्ने मुल नाराका साथ २०७३ सालमा स्थापना भएको सहकारीमा ७ सय १९ सेयर सदस्यहरुको १ करोड २६लाख ७८ हजार पाँच सय सेयर पुँजी रहेको छ ।