धार्मिक पर्यटनमा उकालो लाग्दै पुम्दी

आदर्श समाज सम्वाददाता
कार्तिक १, २०७७
pumdi

पोखरा । पोखराको पुम्दीकोट धार्मिक पर्यटनको गन्तब्य बन्दै छ । यतिबेला नेपालकै अग्लो दावी गरिएको शिवको मुर्ति निर्माणको काम भैरहेको छ । ४० करोड लागतमा निर्माणाधीन मुर्तीले धार्मिक पर्यटन प्रबद्र्धन हुने विश्वास लिईएको छ । पुम्दीकोट कोट विकास समितिले मन्दिर निर्माणको काम तीब्र गतिमा गरिरहेको छ । भवन निर्माण र मुर्ति जडानको काम चलिरहेको छ । सुरुमा १ सय ५ फिट अग्लो पूर्ण कदको मुर्ति राख्ने तयारी गरिएपनि नागरिक उड्ययन प्राधिकरणले अंकुश लगाएपछि ५२ फिटको बसेको मुर्ति राख्न लागिएको हो । अहिलेसम्म करिब ४५ प्रतिशत निर्माणको काम सकिएको कोट विकास समितिका अध्यक्ष चन्द्रकान्त बरालले बताए ।

‘चौध करोडको काम सकियो । अहिलेसम्म ४५ प्रतिशत पूरा भैसकेको छ,’ उनले भने, ‘अब मुर्ति राखेपछि ६५ प्रतिशत काम हुन्छ ।’ मुर्ति निर्माणमा पोखरा महानगर समेत विभिन्न ब्यक्ति र संस्थाहरुले सहयोग गरेका छन् । ३ करोड लगानी गर्ने भनिएको महानगरले हालसम्म १ करोड ५० लाख दिईसकेको छ । संघ र प्रदेशले पनि सहयोग गरेको छ । मुर्ति निर्माणका लागि २०७३ सालमा महायज्ञ लगाएर ६ करोडभन्दा बढी नगद र जग्गा प्राप्त गरेको थियो । मुर्ति निर्माणमा बजेट अभाव हुने भएपछि पुनः महागज्ञ लगाउने तयारी भैरहेको बराल बताउँछन् ।

‘अब पैसा जुटाउन समस्या छ । फागुनमा महायज्ञ लगाउने निर्णय गरेका छौं,’ उनले अघि थपे, ‘कोरोनाले काममा गाह्रो बनाएको छ । लगानी पनि थपिन सक्छ । त्यसको तयारी अहिले नै थाल्नुपर्छ ।’ पोखराको पर्यटन प्राकृतिक सुन्दरताले मात्रै धान्दै आएको छ । मानव निर्मित पर्यटकीय गन्तब्यहरु खासै छैनन् । तर यो मुर्ति बनेपछि महत्वपूर्ण गन्तब्य थपिने विश्वास सरोकारवालाहरुले लिएका छन् । पोखरा महानगरले नयाँ गन्तब्यको खोजी गरिरहेको छ । त्यसो त हिजोआज पोखराका डाँडाहरुमा धार्मिक गतिविधि बढ्न थालेको छ । काहुँडाँडामा बुद्ध मण्डला बन्दै छ भने सराङकोटमा पनि बुद्ध र हिन्दु धर्मावलम्बीहरुको लागि लक्षित गरि गुम्बा र मन्दिर बनाउने योजना छ ।

लेकसाईड भन्दा अन्य क्षेत्रमा समेत पर्यटकीय गतिविधि विस्तार गर्नुपर्ने बताउँछन्, पुम्दीका स्थानीय प्रकाश बराल । ‘पुम्दी पनि लेकसाइड हो । तल्लो क्षेत्रलाई मात्रै लेकसाईड भनेर प्रचार र विकास गर्नु अन्याय हुन्छ,’ उनले भने, ‘अब समग्र पोखराको एउटै खाका बनाएर पर्यटनलाई विकेन्द्रित गर्नुपर्छ । सरोकारवालाको चासो पुगोस् ।’ मन्दिर निर्माणमा हालसम्म १४ करोडभन्दा बढी खर्च भैसकेको छ।

५ बर्षभित्र निर्माण सम्पन्न गर्ने लक्ष्य अनुसार पहिलो चरणमा मुर्ति सहति गणेशले परिक्रमा गरिरहेको १ सय ८ शिवलिङ्ग, १ सय ८ स्वर्गद्धारी सिँढी, सुमेरु पर्वत लगायत निर्माण हुनेछ । दोस्रो चरणमा गुरु महाराज आश्रम, हरियाली बगैँचा, शान्तिस्तम्भ, ज्येष्ठ नागरिक मिलन केन्द्र, पार्किङस्थललगायत संरचना निर्माण गर्ने योजना छ । मन्दिर निर्माणको काम सुरु भएसँगै त्यहाँ अन्य चहलपहल समेट बढ्न थालेको छ । होटल र रेष्टुरेष्ट खुल्ने क्रम थपिएको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width