तनहुँ उत्कृष्ट प्रहरी

आदर्श समाज सम्वाददाता
कार्तिक १, २०७७
police

पोखरा । तनहुँ जिल्ला प्रहरी कार्यालय गण्डकी प्रदेशमै उत्कृष्ट घोषित भएको छ । तीन महिनाको कामको आधारमा ६५ औं प्रहरी दिवसको अवसरमा गण्डकी प्रहरी कार्यालयले तनहुँलाई उत्कृष्ट घोषणा गरेको हो । दोश्रोमा कास्की र तेश्रोमा म्याग्दी भएको छ ।

उत्कृष्ट कार्यालय व्यवस्थापन तर्फ गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक किरण राणा, जिल्ला प्रहरी कार्यालय कास्कीका प्रहरी उपरीक्षक जीवनकुमार श्रेष्ठ, उत्कृष्ठ ट्राफिक व्यवस्थापन तर्फ गण्डकी प्रदेश ट्राफिक प्रहरी कार्यालयका प्रहरी नायव उपरीक्षक टेकबहादुर कार्की, उत्कृष्ट प्रहरी कार्य तर्फ जिल्ला प्रहरी कार्यालय म्याग्दीका प्रहरी नायव उपरीक्षक किरणजंग कुँवर सम्मानित छन् । यस्तै, उत्कृष्ट कार्यालय व्यवस्थापन तर्फ प्रहरी नायव निरीक्षक टिकाराम पनेरु, उत्कृष्ट विपद उद्दार कार्य तर्फ प्रहरी हवल्दार श्यामकान्त श्रीवास्तव, उत्कृष्ट कार्यालय सहयोगी तर्फ प्रहरी कार्यालय सहयोगी बुधराम विकलाई नगद र सम्मानपत्र प्रदान गरिएको हो ।

यसैबीच, यो बर्षको प्रहरी दिवस विभिन्न कार्यक्रम गरी मनाईएको छ । कार्यक्रमलाई सम्बोधन गर्दै गण्डकीका मुख्यमन्त्री पृथ्वीसुब्बा गुरुङले नेपाल प्रहरी सीमित श्रोत साधनका बीच पनि शान्ति सुरक्षामा निरन्तर खटिएको भन्दै बधाई दिए ।

उनले कानुन विपरितका अनुचित दवाब र प्रभावमा नपरी नागरिकलाई केन्द्रविन्दुमा राखेर सेवा गर्न सुझाए । आन्तरिक मामिला तथा कानून मन्त्री हरिबहादुर चुमानले सचेत र कर्तव्यनिष्ठ भई राष्ट्र सेवा गर्न प्रहरीलाई आग्रह गरे । प्रदेश प्रहरी प्रमुख प्रहरी नायव महानिरीक्षक घनश्याम अर्यालले आम नागरिकको जिउ धन र अधिकारको रक्षा गर्न आफुहरु अहोरात्र खटिएको बताए । उनले प्रहरीलाई पुर्वाधार र प्रविधियुक्त बनाउन सरकारसँग आग्रह गरे । गण्डकी सरकारले प्रदेशस्तरीय प्रहरी संगठन स्थापनाका लागि विधेयक पास गरिसकेको छ । मुख्यमन्त्री गुरुङले अब बन्ने प्रहरी संगठन प्रविधि केन्द्रित हुने दावी गरे ।

Related News

सम्बन्धित समाचार

    • गण्डकी सरकारले विश्वासको मत लिने सूचना दर्ता

      आदर्श समाज सम्वाददाता असार २, २०७८
      पोखरा । गण्डकीमा नवनियुक्त मुख्यमन्त्री कृष्णचन्द्र नेपाली पोखरेलले विश्वासको मत लिने सूचना संसदलाई जानकारी गराएका छन् । संसद सचिवालयमा विश्वासको…
    • प्रदेशवासी सबैलाई खोप, ५ अर्बले घट्यो गण्डकीको बजेट

      प्रकाश ढकाल असार २, २०७८
      पोखरा । गण्डकी प्रदेश सरकारले आगामी आर्थिक वर्षका लागि ३० अर्ब ३ करोडको बजेट सार्वजनिक गरेको छ । यो बजेट…
    • गण्डकीको बजेट ३० अर्व

      आदर्श समाज सम्वाददाता असार १, २०७८
      पोखरा । गण्डकी सरकारले आगामी वर्षका लागि ३० अर्व ३ करोड ९४ लाखको बजेट सार्वजनिक गरेको छ । १३ अर्व…
    • ‘सत्ताको गठबन्धन लामो जाँदैन’

      आदर्श समाज सम्वाददाता जेठ ३१, २०७८
      पोखरा । गण्डकीका निर्वतमान मुख्यमन्त्री पृथ्वीसुब्बा गुरुङले सत्ता प्राप्तिका लागि बनेको अहिलेको गठबन्धनको आयु लामो नभएको टिप्पणि गरेका छन् ।…
    • कास्कीमा निषेधाज्ञा असार ७ सम्म

      आदर्श समाज सम्वाददाता जेठ ३१, २०७८
      पोखरा । कास्कीमा निषेधाज्ञा अवधि असार ७ सम्म थप भएको छ । दैनिक उपभोग्य खाद्यन्न सामग्री बेच्न पसल, तरकारी, फलफूल, दुध…

    hero news full width

    sanil ads

    wordlink ads

    trending post

    ट्रेन्डिङ्ग