बागलुङ नगरपालिका बन्द

रासस
असाेज २६, २०७७
Baglung Municipality

गलकोट, २६ असोज । नगरपालिकाका जनप्रतिनिधि र स्वास्थ्यकर्मीमा कोरोना सङ्क्रमण पुष्टि भएपछि बागलुङ नगरपालिकाले आजदेखि अनिश्चितकालका लागि सबै सेवा बन्द गरेको छ । नगरपालिकाका स्वास्थ्यकर्मी र जनप्रतिनिधि सहित समुदाय स्तरमा कोरोना पुिष्ट भएपछि नगरपालिकाले अत्यावश्यक सेवा बाहेकका सबै सेवा बन्द गरेको नगरपालिकाका सूचना अधिकारी युक्तप्रसाद सुवेदीले जानकारी दिए ।

नगरपालिकाका जनप्रतिनिधि, स्वास्थ्यकर्मी तथा बागलुङ बजारका स्थानीयमा कोरोना पुिष्ट भएपछि अनिश्चतकालका लागि नगरपालिकाको सेवा बन्द गरिएको उनले बताए ।

बागलुङ जिल्लामा शनिबार मात्रै ४७ जनामा कोरोना पुष्टि भएका थियो । ती मध्ये अधिकांश बागलुङ बजार क्षेत्र आसपासका रहेका जनाइएको छ । नगरपालिकाको एक जना स्वास्थ्यकर्मी र एक जना जनप्रतिनिधिमा सङक्रमण भएपछि अहिले कन्ट्रयाक्ट ट्रेसिङ भइरहेका कारण नगरपालिकाको सेवा बन्द गरिएको स्वास्थ्य शाखा प्रमुख रामप्रसाद खनालले जानकारी दिए । उनले बागलुङ बजारमा दशै तिहारको किनमेलका कारण अनावश्यक भीडभाड भएका कारण जोखिम बढ्न सक्ने भन्दै सर्तकता अपनाउन आग्रह गरे ।

नगरपालिकाले नगरपालिकाको कार्यालय सहित १४ वटै वडामा अत्यावश्यक सेवा बाहेका काम बन्द गरिएको हो । बागलुङमा हालसम्म ५२५ जनालाई सङ्क्रमण भएको छ । ती मध्ये ३६७ जना कोरोना मुक्त भएका छन् भने एक जनाको मृत्यु भइसकेको छ । बागलुङमा हाल सक्रिय सक्रमितको सङ्ख्या १५७ जना रहेको छ ।

Related News

सम्बन्धित समाचार

    • नारी दिवसमा एकल महिलालाई रातो टीका

      रासस फागुन २५, २०७७
      दमौली । तनहुँको म्याग्दे गाउँपालिका–३ साउनेपानी निवासी पदममाया थापाले २३ वर्षअघि श्रीमान् गुमाउनुभयो । श्रीमान् बित्दा उहाँको काखमा पाँच वर्षकी…
    • कुमाल बस्तीमा सुरु भयो उपचार

      Avatar आदर्श समाज सम्वाददाता फागुन २४, २०७७
      पोखरा । कास्कीको रुपा गाउँपालिकाले धमाधम स्वास्थ्य केन्द्र निर्माण र सञ्चालन थालेको छ । केही दिन अघि स्यास्त्रीमा स्वास्थ्य केन्द्र…
    • सिद्धार्थ राजमार्ग अब आर्थिक कोरिडोर

      Avatar आदर्श समाज सम्वाददाता फागुन २४, २०७७
      वालिङ । सिद्धार्थ राजमार्ग आर्थिक कोरिडोरसँग जोडिएका पालिकाहरुले विकासका लागि योजना निर्माण थालेका छन् । वालिङ नगरपालिकाको आयोजना र सिद्धार्थ…
    • मुद्दा मिलाउने भन्दै १ करोड माग्ने पक्राउ

      Avatar आदर्श समाज सम्वाददाता फागुन २२, २०७७
      पोखरा, २२ फागुन । एक करोड दिए जवरजस्ती करणी मुद्दाका प्रतिवादीलाई छुटाइदिने भनी रकम ठगी गर्ने दुई व्यक्तिलाई कास्की प्रहरीले…
    • अनलाइन प्रणालीबारे थाहा नहुँदा श्रम कार्यालयमा भीड

      धनबहादुर गुरुङ फागुन २०, २०७७
      पोखरा । सानी छोरीलाई अस्पतालमा छाडेर पुनः श्रम स्वीकृत लिन सहिदचोक पुगेका थिए, स्याङ्जा बयरघारीका धनबहादुर बस्याल । छिट्टै आफ्नो काम…

    hero news full width

    sanil ads

    wordlink ads