चौरवासीलाई छैन ‘पोखरेली’ महसुस

श्रीभद्र पौडेल
असाेज २५, २०७७
chaura gau sadak photo

हेमजा, २५ असोज। पोखरा महानगरपालिका–१८ साविक सराङ्कोट–६ ग्यारजातीस्थित चौरवासीले विकास निर्माणको हिसाबले आफूहरु पोखरा महानगरपालिकावासी हौं भन्ने आधार नभएको भन्दै गुनासो गरेका छन्।

‘न त हाम्रो ठाउँमा सहजै गाडी गुड्ने बाटो नै बनेको छ, न त खानेपानीको सहज प्रबन्ध’ संघीयता आएपछि देशमा विकास निर्माण राम्रै हुन्छ भन्ने लागेका चौरवासीले आफूहरुले संघीयताको स्वादसम्म चाख्न नपाएको तितो अनुभव सुनाए।

‘पहिला हामी ग्यारजाती–२ का थियौं । पछि सराङ्कोट–६ वासी भयौं । हुँदाहुँदै पोखरा उपमहानगरपालिका हुँदै महानगरवासी पनि भयौं। प्रशासनिक हिसानले ठेगाना फेरिने काममात्रै भयो तर विकास निर्माणले त झन् पछि पर्‍यौं,’ स्थानीय टंकप्रसाद अधिकारी गुनासो गर्छन् ।

‘चुनाव जितेर गएका जनप्रतिनिधिले विकास निर्माण त गर्छौै भनेका थिए तर अहिले उनीहरु हाम्रो पहुँचभन्दा टाढा भए । अब कसरी गाउँमा विकास निर्माण गर्ने हो ? कहिलेसम्म भड्खारो खोलाजस्तो सडकमा यात्रा गर्नुपर्ने हो ?’ गाउँलेहरुको प्रश्नमा चित्तबुझ्दाे जवाफ छैन ।

गाउँमा पोखरा पस्र्याङबाट २०६३ सालमा बाटो खनिएकोमा त्यसको हालसम्म पनि स्तरोन्नति हुन सकेको छैन। सडकमा सहजै मोटरसाइकल चलाउन सक्ने अवस्थासम्म छैन भने पानीको निकासका लागि नाला, सडकको लेभलिङ गरिएको छैन । ढलान र पीच त निकै परको कुरा।

सडकको दूरावस्थाबारे गाउँभेला बसेको छ । जसमा गाउँलेहरुले सडक एम्बुसजस्तो भएको भन्दै जुनसुकै बेला दुर्घटनामा पर्न सकिने औँल्याए। भेलाले स्थानीय कुखुरे बाद्धोदेखि चौरसम्मको सडक स्तरोन्नतिका लागि टंकप्रसाद अधिकारीको अध्यक्षतामा निर्माण समिति पनि गठन गरेको छ। समिति उपाध्यक्षमा विमला क्षेत्री, सचिवमा शिवप्रसाद विक, कोषाध्यक्षमा देवीप्रसाद अधिकारी तथा सदस्यमा नारायणी शर्मा, रीता अधिकारी, लीलामणि भूर्तेल र मैयाँ भूर्तेल अधिकारी छन्। त्यस्तै, विष्णुप्रसाद अधिकारी, भगवान् अधिकारी र चन्द्रमणि अधिकारीलाई सल्लाहकार चयन गरिएको छ ।

Related News

सम्बन्धित समाचार

    • गण्डकीमा २७७ निको, ४ को मृत्यु

      आदर्श समाज सम्वाददाता श्रावण ९, २०७८
      पोखरा । गण्डकी प्रदेशमा थप २ सय ७७ जना निको भएका छन् । शुक्रबार ४ सय १० संक्रमणमुक्त भएकोमा शनिबार निको…
    • नेपाली कांग्रेसको वडा अधिवेशन स्थगित

      आदर्श समाज सम्वाददाता श्रावण ९, २०७८
      काठमाडौं, ९ साउन । नेपाली कांग्रेसमा क्रियाशील सदस्यताको ढिलाइका कारण आशन्न १४औँ महाधिवेशनअन्तर्गत अन्य महाधिवेशन कार्यतालिका प्रभावित भएको छ ।…
    • अग्रपंक्तिमा खटिनेलाई १ करोड भत्ता

      आदर्श समाज सम्वाददाता श्रावण ९, २०७८
      हेमजा  । गण्डकी प्रदेश सरकारले कोरोना रोकथामका लागि अग्रपंक्तिमा खटिने स्वास्थ्यकर्मी, सुरक्षाकर्मी र सरसफाइकर्मीको प्रोत्साहनका लागि १ करोड रकम विनियोजन गर्ने…
    • घटेन सक्रिय संक्रमित

      आदर्श समाज सम्वाददाता श्रावण ९, २०७८
      पोखरा । गण्डकी प्रदेशमा कोरोनाका २ हजार ९ सय ३० जना सक्रिय संक्रमित छन् । लकडाउन खुकुलोसँगै बजारमा चहलपहल बढ्दा सक्रिय…
    • पोखरेल सरकार पूर्ण

      आदर्श समाज सम्वाददाता श्रावण ८, २०७८
      पोखरा । गण्डकी सरकारले पूर्णता पाएको छ । ११ मन्त्रालय रहेको यहाँ शुक्रबार थप ६ जना मन्त्रीको नियुक्तिसहित कार्यविभाजन टुंगाइएको…

    hero news full width

    Gandaki University

    sanil ads

    wordlink ads