लेखनाथ । पोखरा १९, पुरञ्चौर निवारी अधिकारी परिवारमा मातृशोक परेको छ । शिक्षा मन्त्रालयका शिक्षा सहसचिव विष्णुप्रसाद अधिकारी, भारती भवन मावि पुरञ्चौरका विद्यालय व्यवस्थापन समिति अध्यक्ष नेत्रनाथ अधिकारी तथा समाजसेवी पिताम्बर अधिकारी र बाबुराम अधिकारीकी ममतामयी माता विष्णुमाया अधिकारीको शुक्रबार ८४ वर्षको उमेरमा निधन भएको हो ।

विसं १९९३ माघ २३ मा बुबा छविलाल पौडेल (खोरेलीथर) र माता चन्द्रकला पौडेलको कोखबाट दोश्रो सन्तानको रुपमा जन्मिएकी अधिकारीमा केही महिनादेखि मुटुको समस्या थियो । उनका पति केशवराज अधिकारीको यसअघि नै निधन भएको थियो ।

स्व. अधिकारुीको शुक्रबार नै सेतीनदी किनारको र्‍यालतरोघाटमा हिन्दू परम्परा अनुसार अन्त्येष्टि गरिएको परिवारजनले जनाएको छ ।

शवमा छोराहरु नेत्रनाथ, विष्णुप्रसाद, पिताम्बर र बाबुराम अधिकारीले संयुक्त दागवत्ती दिएका थिए ।

स्व. अधिकारीकी ४ छोरासहित २ छोरी, १० नाति, ७ नातिनी, १० पनाति र ६ पनातिनी छन् ।