सामुदायिक वनद्वारा महिला सशक्तिकरणमा जोड

Avatar आदर्श समाज सम्वाददाता
असाेज २३, २०७७
ban progrem photo

हेमजा । सामुदायिक वनको परिचालन गरी महिला सशक्तिकरणमा जोड दिइएको छ । सामुदायिक वन उपभोक्ता महासंघ कास्कीको आयोजनामा बिहीवार सम्पन्न अन्तक्र्रिया कार्यक्रमका वक्ताले सो कुरामा जोड दिएका हुन्।

नेपालका ग्रामीण क्षेत्रमा बस्ने अधिकांश महिला आर्थिक रुपमा पछाडि परेको चर्चा गर्दै उनीहरुलाई हरेक दृष्टिकोणबाट अगाडि बढाउन सामुदायिक वनको भूमिका रहने पनि औँल्याइएको छ ।

नेपालको संविधानद्वारा कुल ३३ प्रतिशत महिला सहभागिता सुनिश्चित भएपनि सामुदायिक वन क्षेत्रमा भने ५० प्रतिशत महिला सहभागिता हुनैपर्ने प्रावधानले पनि थप महिला सशक्तिकरण हुने उनीहरुको विश्वास छ।

कतिपय अवस्थामा वन समूहमा कार्य गर्दा महिला तथा पुरुष उपभोक्ताले समान काम गरेपनि महिलाको कामलाई पुरुषको तुलनामा आधा मात्रै मूल्याङ्कन गर्ने गरेकोतर्फ पनि सचेत गराइएको छ।हरेक वन समूहमा उद्यमको अवधारणा विकास गरी महिला सशक्तिकरण गर्नुपर्ने कार्यक्रमको निष्कर्ष छ।

प्रमुख अतिथि पोखरा १८ का वडाध्यक्ष रणबहादुर थापाले सामुदायिक वनमा निर्भर महिला सशक्तिकरणका लागि वन क्षेत्रमा अलैँची, सुन्तला, एभोगाडो, अम्रिसो लगायतका खेती गरी बजारीकरण गर्नुपर्ने औँल्याए। उनले वडाले विकास निर्माणका कार्य गर्दा महिला पुरुष भनी विभेद नगरेको स्पष्ट पार्दै त्यसलाई दक्ष र अर्धदक्ष कामदारका रुपमा वर्गीकरण गरिएको जानकारी दिए।

महासंघ गण्डकी प्रदेश अध्यक्ष कालीदास सुवेदीले हरेक तह, तप्कामा महिला सशक्तिकरण हुनुपर्नेमा जोड दिँदै सशक्तिकरणको ठूलो पक्ष अर्थसँग जोडिएको स्पष्ट पारे।हरेक क्षेत्रमा महिलाको अर्थपूर्ण सहभागिता महत्वपूर्ण रहेको चर्चा गरेका सुवेदीले वैज्ञानिक नभई दिगो वन व्यवस्थापन पक्षमा वकालत समेत गरे।

सो कार्यक्रममा महासंघ केन्द्रीय सदस्य सरिता कुमाल, जिल्ला अध्यक्ष विश्वनाथ लामिछाने, प्रदेश सदस्य लक्ष्मी अधिकारी, प्रदेश स्थायी समिति सदस्य दिनेश श्रेष्ठ, महासंघका गाउँपालिका अध्यक्षहरु क्रमशः अन्नपूर्णका आनन्दराज अधिकारी, रुपाका बुद्घिबहादुर घिमिरे, माछापुच्छे«का चुडामणि अधिकारी तथा हेमजास्थित फुर्केटारी सामूदायिक वनका सल्लाहकार मित्रलाल त्रिपाठी लगायतले पनि धारणा राखेका थिए ।

उनीहरुले ‘एक वन, एक उद्यम’ लाई जोड दिनुपर्ने, वन क्षेत्रमा अन्तरवाली कृषि जडिबुटी खेती लगाउनुपर्ने, दिगो वन व्यवस्थापनलाई आत्मसाथ गर्नुपर्ने, बाँदर नियन्त्रणमा चाँसो दिनुपर्ने, लिङ्गका आधारमा वन समूहका गतिविधिमा विभेद गर्न नहुने, छाडा चौपायाँ तथा सीमा अतिक्रमण रोक्नुपर्ने, वनको संरक्षण मात्रै भन्न नहुने लगायतका धारणा राखेका थिए ।

जिल्ला महासंघ कास्की अध्यक्ष विश्वनाथ लामिछानेको अध्यक्षतामा सम्पन्न उक्त कार्यक्रम जिल्ला कोषाध्यक्ष अम्बिका आचार्यले संचालन गरेकी थिइन्।

Related News

सम्बन्धित समाचार

    • शिवमायालाई ललित गौचन समाजसेवा सम्मान

      Avatar आदर्श समाज सम्वाददाता फागुन २३, २०७७
      पोखरा । नागरिक समाज कास्कीद्वारा सञ्चालित ललित गौचन स्मृति समाजसेवा सम्मान–२०७७ सामाजिक अभियन्ता शिवमाया श्रेष्ठलाई प्रदान गरिएको छ । कास्कीका…
    • हाजिरीजवाफमा चिल्ड्रेन्स एकेडेमी प्रथम

      Avatar आदर्श समाज सम्वाददाता फागुन २३, २०७७
      पोखरा । नेशनल प्याव्सन कास्कीले आयोजना गरेको अन्तरविद्यालयस्तरीय हाजिरीजवाफ प्रतियोगितामा चिल्ड्रेन्स एकेडेमी प्रथम भएको छ । प्रतियोगितामा चिल्ड्रेन्स एकेडेमीकी ममता…
    • फेवाताल पुर्ने गतिविधि तत्काल रोक्न माग

      Avatar आदर्श समाज सम्वाददाता फागुन २३, २०७७
      पोखरा । पोखरा–१८, गैह्राको चौतारामा पानीको सतह घटेसँगै फेवाताल पुर्ने गतिविधि भइरहेकाले पोखराका विभिन्न सरोकारवाला संघसंस्थाको ध्यानाकर्षण भएको छ ।…
    • मुद्दा मिलाउने भन्दै १ करोड माग्ने पक्राउ

      Avatar आदर्श समाज सम्वाददाता फागुन २२, २०७७
      पोखरा, २२ फागुन । एक करोड दिए जवरजस्ती करणी मुद्दाका प्रतिवादीलाई छुटाइदिने भनी रकम ठगी गर्ने दुई व्यक्तिलाई कास्की प्रहरीले…
    • सिद्धार्थ क्लबकाे कार्यक्रममा ९४ युनिट रगत संकलन

      Avatar आदर्श समाज सम्वाददाता फागुन २०, २०७७
      फागुन । सिद्धार्थ क्लब पोखराले बुधबार बिहान गरेको कार्यक्रममा ९४ युनिट रक्त संकलन भएको छ । रक्त संचार केन्द्र, पोखराको…

    hero news full width

    sanil ads

    wordlink ads