सनराईजको रक्तदानमा ४२ युनिट रगत संकलन

Avatar आदर्श समाज सम्वाददाता
असाेज २२, २०७७

लेखनाथ, २२ असोज । सनराईज क्लव पोखरा २६ ले विहीबार राखेको चौथो खुल्ला रत्तदानमा ४२ युनिट रगत संकलन भएको छ ।

लक्ष्मी मावि परिसर अघौंमा राखिएको रत्तदानमा वडा नं २६ का वडाअध्यक्ष नारायणप्रसाद बरालले पहिलो रत्तदाता क्लवका सदस्य सन्तोष पौडेललाई बल्ड ब्याग हस्तान्त्रण गरि सुरु गरेका थिए ।

कार्यक्रममा बोल्दै वडाअध्यक्ष बरालले रगतको विकल्प रगत नै भएकाले स्वच्छ र निरोगी भएर बाच्नका लागि तीन÷तीन महिनाको अन्तरमा रत्तदान गर्दा राम्रो हुने विचार राखेका थिए । रत्तसंचार केन्द्र पोखराका प्रमुख अर्जुन ज्ञवालीले दान मध्यको पनि सवै भन्दा ठुलो दान रत्तदान भएकाले यसलाई महादान भनिएको विचार राखे ।

क्लवका अध्यक्ष राजबहादुर गुरुङको अध्यक्षतामा भएको कार्यक्रमको संचालन उपाध्यक्ष डुलबहादुर पुनले गरेका थिए भने स्वागत मन्तव्य कोषाध्यक्ष सुर्य न्यौपानेले गरेका थिए ।

 

प्रमुख समाचार